GIPAHIGAYON sa tinugyanan sa City Disaster Risk Reduction and Management Department (CDRRMD) ang paghatag og lektyur kalabot na sa disaster preparedness atol sa unang adlaw sa Brigada Eskwela adlawng Lunes, Mayo 20.
Gibutyag ni Nick Jabagat, department head sa CDRRMD nga nakadawat na sila og mga hangyo sa mga tunghaan sa siyudad alang sa kalihokan sa Brigada Eskwela.
“Right now atong gi unag hatag ang unang request sa city central which is orientation on earthquake and then naa pud tay disaster preparedness nga lecture,” matud ni Jabagat.
Giingong importante kini kaayo ilabi na nga niadtong nilabay nga mga adlaw nakasinati og mga pagtay-og.
“Mao ni among gipaspasan ug gi-coordinate pud specially hapit napud magsugod ang next school year, ato gyud ning gipanghingusgan para ang mga faculty sa every schools maupdate sab sila then preparado pud sila karong pagsugod sa school year 2019-2020,” dugang niini.
Gidugang pa nga sunod-sunod na ang ipahigayong mga kalihokan niining mga disaster preparedness sa Brigada Eskwela 2019.