GIPASALIG ni Rufus Rodriguez, kinsa bag-ohay lang nidaug sa pagka-kongresista sa ikaduhang distrito sa siyudad sa Cagayan de Oro, nga magduso dayon og balaod nga magtugot nga patas-an ang kapasidad sa Northern Mindanao Medical Center (NMMC).
Napildi ni Rodriguez si Yan Lam “Alam” Lim human nakakuha og boto nga 82,692 batok na usab kang Lim nga anaa lamang sa 46,861.
Gibutyag ni Rodriguez nga magserbisyo kini og tinuoray ug maningkamot sa kongreso human nga gibalik kini sa pwesto isip congressman.
Giingong pinakauna niini nga buhaton mao ang pagpasa og balaod ngadto sa kongreso nga doblehon ang bed capacity gikan sa una na nga giduso kaniadto nga anaa sa 500.
“I will immediately file in congress a bill that would increase the capacity of the NMMC from 600 to 1000,” matud ni Rodriguez.
Gidugang pa niini nga kaniadto anaa lamang sa 300 bed capacity ang NMMC hinungdan nga nagduso kini og bala-odnon nga mopataas ngadto sa 500 apan giingong nagkataas na usab ang mga pasyente matag adlaw nga anaa na sa 800 hinungdan nga kulangon na kini.