TULO ka adlawng derby ang masaksihan sugod karong semanaha diha sa New Gallera de Mandaue sa barangay Tabok, Mandaue City.
Ang Justin Promotion motanyag og P300,000 nga ganting salapi alang sa mga makampiyon sa iyang 4-cock/combo derby nga mosugod sa alas kuwatro sa hapon karong Huwebes. Ang pot money nagkantidad lang og P5,500.
Sa adlawng Biyernes, petsa 24, mapasigarbuhon usab nga modalit ang Yakal Agimat Promotion sa ilang 3-cock/combo derby nga may ganti nga P200,000 samtang P3,500 ang pot money.
Sa Mayo 25, adlawng Sabado, turno na usab sa GawGaw Promotions ang pagpahigayon. Ning higayona, ganting P400,000 ang nakahan-ay alang sa mga mananaog. Kini adunay pot money nga P5,500.
Si Abio Monsanto, ang coordinator sa GDM, mibutyag nga tungod sa kadaghan sa mga mosalmot, sugdan kini sa alas 11 sa buntag.
Gibanabana nga moabot ngadto sa 150 ka sultada ang magtigi. (PR)