Parks nagpanikad nga makigbatok sa Ginebra

HUMAN niya natabangan ang Blackwater Elite nga modaog batok sa Meralco Bolts pinaagi sa overtime, 94-91, niadtong Dominggo atol sa pagsugod sa Philippine Basketball Association (PBA) Commissioner’s Cup, si Bobby Ray Parks Jr. naghinamhinam na sa sunod nilang tahas.

Kini gumikan kay ang labing sikat nga basketball team sa nasod nga mao ang Brgy. Ginebra Gin Kings ang ikaharong sa Elite. Mahitabo kini karong Biyernes sa Araneta Coliseum.

Ang Gin Kings maoy defending champions ning maong komperensya.

Gipasabot sa 26 anyos nga si Parks nga nagpanikad na siyang makigbatok sa Gin Kings atubangan sa mabagang hut-ong sa mga dumadapig niini.

“I love playing Ginebra. Ginebra is a well-coached team. They have a lot of great players, height, diversity, well-coached. It’s going to be a great challenge,” matod ni Parks sa interbyu sa Spin.ph.

Si Parks, kinsa nipakatap og 20 puntos sa labing una niyang pagduwa sa PBA, nitataw nga mas ganahan siyang moduwa basta daghan ang mga tumatan-aw bisag sa kaatbang pa kini moabiba.

“The fans, to be honest, I know I’ll be on the other side but I love the fans. Regardless if they hate me or they love me, I love the fans because they are passionate about the game,” dugang ni Parks.

Sa laing duwa niadtong Dominggo, gipangmakmak sa Alaska Aces ang Columbian Dyip, 111-98. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph