KAY wa mahasubay sa balaud, si Cebu City Mayor-elect Edgardo Labella niingon nga ang iyang administrasyon di na motugot sa operation sa barangay mayor’s office (BMO) sa 80 ka mga barangay.
“At the very outset, it is really our position that this Barangay Mayor’s Office is not provided under the Local Government Code. It is not in accordance with the existing laws and rules. We will just have to follow what is in the law,” sulti ni Labella sa SunStar Cebu sa iyang Facebook live interview.
Nagkanayon si Labella nga ang gikinahanglan sa mga barangays mao ang usa ka liason officer nga magsilbeng taytayan tali sa matag barangay ug Siyudad nga di mangilog sa mga buhat ug gahom sa mga barangay official.
Sa dihang niasumer siya sa katungdanan niadtong Hulyo 2016, si Mayor Tomas Osmeña nimugna sa BMO sa matag usa sa 80 ka barangays isip extension sa basic services gikan sa City Hall.
Niadto usang 2016, ang City Council nikwestyon sa pagmugna sa BMO.
Si Councilor-elect Philip Zafra, kinsa nilingkod isip ex-officio member sa City Council sa 2016, niingon nga ang katukoran sa BMO nga nagtugot sa pribadong mga tawo sa paghimog mga gimbuhaton nga iya sa piniling mga opisyal sa barangay, sama sa pag-isyu og ug clearance ug endorsements ngadto sa mga lumolupyo isip rekisitos sa pagkuha nilag hinabang sa Siyudad ug uban pa, kwestyonable kaayo.
Ang City Council nihangyo usab sa Department of Interior and Local Government (DILG) 7 sa pagsusi sa pagtukod sa BMO, labina sa mga function, mga tahas ug responsibilidad, aron pagsuta kon wa ba kini magbuhat sa mga gimbuhaton sa barangay captains.
Sa tubag, ang DILG niingon nga way BMO sa barangay kay ang gitukod ni Osmena mao ang Barangay Disaster Control Center (BDCC) pinaagi sa usa ka executive order (EO).
Si kanhi DILG 7 director Rene Burdeus niingon nga ang BDCC nagsilbeng satellite office sa City Hall nga gimugna pinaagi sa EO 005 ni Osmeña.
Way bisan usa ka City Hall official ang niklaro sa mga tahas sa BMO, pila ang staff sa matag barangay ug kon nagdawatan ba sila og suweldo sa ilang gipanghimo.
Sa usa interview, si Zafra mismo niingon nga sa iya lang barangay, dunay kapin sa 10 ka BMO personnel, usa ang chief.
“Their function really is similar to the barangays and they get to implement the programs of the City like the distribution of senior citizens because I’m not allied with the current mayor,” siya niingon.
Sa iyang Facebook post, si Tisa BMO chief Carlo Fernandez nipasalamat na sa matag usa nga nitugot kaniya sa pagserbisyo sa barangay.
Si Fernandez niingon nga sa kapildehan ni Osmeña, manamilit na usab siya. (RVC sa Sunstar Cebu)