PARANG, Maguindanao Province -- Grabe ang kahimtang sa mag-inahan human gipanghapsan og sundang sa giingong buang, alas 11:20 sa buntag, Dominggo, Mayo 19.
Mga biktima giila nga si Fatima, ug ang iyang tres-anyos nga anak, molupyo sa maong lugar.
Sa taho gikan sa Maguindanao Police Provincial Office, nasayran nga nakalimtan sa inahan nga isira ang kuwarto sa iyang kinamagulangang anak nga dunay depekto sa pangisip.
Hinungdan nga nakagawas siya ug diretso nga nisulod sa kuwarto sa inahan uban ang singko-anyos nga anak ug gipangtigbas gamit ang mahait nga sundang.
Nakasinggit og tabang ang mga biktima hinungdan nga niresponde ang ilang mga silingan nga maoy midakop sa suspek ug ilang gigapos.
Mga biktima daling gitabang ug gihatud ngato sa Parang District Hospital apan gibalhin dayon sa Cotabato Regional and Medical Center (CRMC) sa Cotabato City ug anaa sa talandugong kahimtang.
Ang suspek anaa na sa kustodiya sa mga paryente sa pagsuwat ning balita. (Edgar E. Fuerzas)