NAGPA-BLOTTER sa kapulisan sa Sta. Ana Police Station ang usa ka lalaki human giayo’g sumbag sa laing lalaki nga kanhi live-in partner sa iyang hinigugma.
Adlaw nga Dominggo, Mayo 19, nagpa-blotter si alyas Daniel, 33-anyos, taga Barangay 5-A, Bankerohan Davao City kay iyang ireklamo si alyas Mark, 30-anyos, taga Agdao human siya nakaangkon og mga bun-og sa kalawasan dihang gisumbag siya.
Subay sa blotter, gikan si Daniel ug si Maricar sa usa ka motel sa Cabaguio Avenue, ug sa dihang anaa na sila sa gawas kay maghulat og masakyan, nakita kini ni Mark, dayon gikompronta sila.
“Dili naman unta kami nganong magselos paman siya, humana akong kalipay ug kasakit, dili nako niya,” sulti sa babaye nga nahinabi sa SuperBalita, dihang naabtan kagahapon sa ilang pagkuha sa kopya sa blotter.
Sumala sa babaye nga nahimo niya ang pag-ilis og laing partner gumikan giingong dili kabalo mo-romansa si Mark.
“Ilisan dayon nang mga tawo nga di ka higugmaon, di pa gyod kabalo mo-romansa,” dugang sa babaye kinsa mipahipi sa iyang pagkatawa.
Sa pagpangutana sa SuperBalita ngadto sa babaye kon unsa pa ang iyang wa magustohi maong miilis siya og partner, ang iyang tubag, “nasapot ko niya kay sa dihang mag-sex nami, mora’g wala nay ayo, kay mapalong dayon, mao nang ilisdan dayon, maldituhon pod siya, mora pod og gi-diabetes nga bata paman unta.”
Ang maong reklamo gihandos na sa barangay aron didto sila mahusay.