SUPERBALITA CEBU

Franz Sabalones buhi?

CEBU. Police Brig. Gen. Debold Sinas, pangulo sa Police Regional Office (PRO)-Central Visayas. (SunStar file)

NITUMAW ang pagdudang dili ang self-confessed druglord nga si Franz Sabalones ang namatay niadtong Abril 18, 2019 sa dakbayan sa Quezon human wala motukma ang ikaduhang fingerprint gikan sa iyang records sa Commission on election (Comelec) sa lungsod sa San Fernando.

Apan si Brig. General Debold Sinas, direktor sa Police Regional Office (PRO) 7, nga ilang sutaon kung ang nagparehistro sa Comelec sa San Fernando mao ba gyud si Franz Sabalones.

“Initially nakakuha mig fingerprint didto sa Comelec San Fernando, nung gi-match dili nag-match that is the official findings, wala sa namo na gipagawas kay gipa check ulit, so there is kasi a possibility na koan basig katong patay dili sila match, baka katong nag registered sa iyaha sa San Fernando lai,” matod ni Sinas.

Hangtod karon anaa pa sa usa ka punerarya sa dakbayan sa Quezon ang lawas sa gituohan nga si Franz human nga wala na mobalik ang nagpailang ig-agaw niini ug maoy mikomirmar nga ang napatay maoy gyud ang taga Sugbo nga drug lord.

Ang sunod nga himuon sa PRO 7 mao ang pagpaubos sa DNA test sa lawas niini pinaagi sa pagkuha usab ug swab sample sa mga ginikanan o igsuon ni Sabalones.

Apan gibutyag ni Sinas nga nakasugat sila og problema human nga wala nay mipakita nga pamilya ngadto sa kapulisan aron unta makuhaan og sample sa ilang lawas alang sa himuon nga DNA examination.

Ang PRO-7 duna gisugo sa pagbisita sa balay sa mga ginikanan ni Sabalones sa San Fernando apan, giingong wala kini moangkon nga kabanay sa namatay sa kaulohan.

“Ang DNA wala man tay makuhaan og sample kasi, pero naa natay sample sa DNA sa katong namatay so mao ganing gihulat namo kung kinsa tong mag claim igsuon, parents, anak or tatay ug kung naay magpakita didto mao toy kuhaag DNA,” sigon ni Sinas.

Usa ka opisyal sa Quezon City Police District nga dili lang magpahingalan ning mantalaan nga wala na mobalik ang nagpailang ig-agaw ni Franz ug miila nga ang namatay mao gyud ang Sugboanon nga niangkong druglord sa paglingkod sa gahom ni Presidente Rodrigo Duterte.

Misaka na usab matod pa ang bayronon niini sa punerarya gikan sa P 1.5 million miabot na kini sa P 1.8 Million.

Tungod niini, nagduda karon si Sinas nga buhi pa si Franz Sabalones nga mao karon ang ilang hingusgan nga makit-an kini apan wala usab nila wad-a ang posibilidad nga katong napatay sa Quezon mao ang Sugboanong durugista.

Mahimong tinuod ang pagduda sa publiko nga giangkon lang nga si Sabalones ang namatay sa Quezon aron motago sa mga awtoridad, dugang ni Sinas.

Labing maayong buhaton sa mga imbestigador nga ipasusi pinaagi sa scientific nga paagi sa DNA test.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph