DEAR Papa Joe,
Tagu-a lang ko sa ngalan nga April, 27 anyos ug lumad nga taga Mandaue City. Ang akong suliran kabahin sa sitwasyon sa akong igsuon.
Naa ni siya ka live in sa una ug may anak na ni sila tulo ka buok, edad 7,5, 2. Karon ang akong igsuon may lain na ning kaipon ug kining iyang ex nihangyo nga ibilin lang niya ang duha ka mga anak nila kay manrabaho daw siya Ang usa sa magsuon sa iyang mama ibilin kay lagi naglisud sila kay wa man gyud ni mosuporta akong igsuon. Mao ni siya ang naka palibug nako ron kay hadlok ko basin iya ra kuhaon ang mga bata namo ug makat on na mi pag love sa mga bata. Akong igsuon di ganahan sad kay anugon daw iya magasto unya kuhaon ra. Mao ni amo patambagan nimo.
APRIL
April,
Sa tinuod lang, katungod ug responsibilidad man gud na sa imong igsuon ang pagbuhi ana kay iya man nang dugo. Wa hinuon ta masayud unsay hinungdan sa pagbuwag nila pero isip amahan responsibilidad na niya.
Now, kon kuhaon sa inhan puhon, naa ra gyud na sa sabot ninyo kay sa balaod di man sila kasado. Pero isip dugo niya, iyang atubangon iyang responsibilidad. Kon motabang sad mo, kanang walay something in return o kondisyon kay sa akong giuslti ninyo, kadugo na ninyo mga bataa.
Sabota lang gud na ninyo og tarong gud sa imong igsuon ug sa kanhi niya nga di nalang garbo ang ipatigbabaw, ang welfare nalang sa mga bata. Kana lang ug daghang salamat.
Papa Joe
(sa inyong tampo ipadala sa papajoesuperb@gmail.com)