MGA duwa karon
4:30 pm- Alaska batok NorthPort
7:00 pm- NLEX batok Talk N’ Text
Angkunon og suway sa Alaska Aces ang sayong liderato sa ilang pagpakigbatok sa NorthPort Batang Pier sa premirong duwa karong hapon sa Philippine Basketball Association (PBA) Commissioner’s Cup sa Ynares Center sa Antipolo City.
Sa premiro nilang tahas, nagbangis ang Aces ug ilang gipangdasmag ang Columbian Dyip sa dakong kapildihan, 111-98.
Ning sangkaa, dili gihapon makaduwa ang usa sa labing sinaligan sa Aces nga si Vic Manuel, kinsa naangol pagbalik atol sa praktis sa team sa miaging semana.
“Sobrang naiinip na ako, nanggigil na ako,” matod ni Manuel, kinsa katapusang nakaduwa niadto pang Disyembre sa miaging tuig sa Governor’s Cup.
“Gusto ko nang maglaro e, parang three weeks na akong nagpapractice at nakakabalik na ako sa kundisyon tas biglang nagkaproblema sa right leg ko. Medyo nakakafrustrate lang,” dugang ni Manuel.
Sa main game, magsangka ang NLEX Road Warriors batok Talk N’ Text KaTropa. (ESL)