ANG Davao Region mihakot na og walo ka mga gold medals, alas 12 sa udto Martes, upat sa athletics ug upat sab sa swimming, sa ikaduhang adlaw sa National Prisaa Games 2019, alas 3 Martes sa hapon, Mayo 21.
Si Arlan Arbois, Jr., 22, ang incoming fourth year Criminology student sa Rizal Memorial Colleges (RMC), ug Fritz Clarence Lantaco, 21, usa ka tinun-an sa Bachelor of Physical Education sa University of Mindanao (UM) misungkit sa gold ug silver medals, sa college men’s 5,000-meter run sa UM track oval.
Si Arbois dunay oras nga 15 minutos ug 59 segundos samtang si Lantaco mihuman sa 16:41.
Si Arbois, natawo sa Tupi, South Cotabato, naglaum nga iyang masungkit ang iyang mga damgo sa duwa una paman siya mo-graduate.
“Pangarap lang nako mag-gold sa Prisaa kay fourth rako last year sa Bohol. Lipay kaayo ko,” sulti sa anak sa mag-uuma kinsa midaug sa 10,000m ug 1,500 golds.
Sa bahin ni Lantaco, mipukos kini sa second spot hangtud naabot siya sa finish line.
Si Christine Jean Pongaron sa UM, Japhet Mantilla sa Cor Jesu College sa Digos ug Ruel Sumiblay sa UM nakasungkit sab og athetics golds.
Si Pongaron, 17, miabot sa oras nga 12.53, hangtud iyang nasungkit ang secondary girls 100-meter dash gold, nga milabaw kang Bicol region’s Shariemane Harris (12:91) ug Davao’s Irine Sarsaba (12:93) kinsa nakasungkit og silver ug bronze.
“Nakulbaan ko pero salig lang sa sarili,” ingon ni Pongaron, kinsa first timer sa maong duwa.
Si Mantilla, 17, sa Ruparan, Digos, mitala og distance sa 36.94 meters alang sa secondary boys sa pagpukan sa Western Visayas nga si Junel Endela (35.09m) ug Gerzon Serrano sa Cagayan Valley (31.93m).
“Ambi nako second lang ko, wala ko magdahom kay karon rapud ko mag national Prisaa.”
Si Sumiblay, misungkit sab alang sa college men’s discus throw nga dunay record nga 35.38m samtang si Renzy Gomolaga sa Western Visayas (34.41) mitala og segundos ug kang Jaypee Carquez (33.89) sa Bicol nga anaa sa ikatulo.
Ang mga major sponsors sa maong events mao ang Philippine Sports Commission, city government of Davao, Department of Education ug Commission on Higher Education.
Nahimong media partner sab ang SunStar Davao uban sa mga major sponsors nga Matina Enclaves, Santos Land Development, 8890 Holdings, Inc., Anflocor, Sky Cable and Pagcor and minor sponsors Aeon Luxe Properties, Davao Doctors College, GH Office Depot, Grand Land, Inc., Alu Hotel, Davao Medical School Foundation, NCCC ug Office of the Special Assistant to the President.