IMPORTANTE gyud ang pagkolekta og mga impormasyon sa politikanhong kalihukan ilabi na dinhi sa Sugbo, nga dinhi ta nakabasi.
Karon si Kongresista Gwen Garcia, ang midaog pagka gobernador sa lalawigan sa Sugbo, maoy akong gitag-an sa wala pa ang eleksiyon.
Tungod sa mga nakolekta nako nga inpormasyon maoy akong gibasihan sa pagpagawas ug baruganan nganong modaog si Gwen.
Kauban sa panagtabi ang akong mga higala sa media nga ang ilang baruganan nagpabor sab ngadto kang Bise Gobernador Agnes Magpale, maoy kaatbang ni Gwen sa pagka gobernador.
Sa pagka gobernador nagkahiusa ang among panglantaw nga modaog sa pagka bise gobernador si Junjun Davide kontra ni Daphne Salimbangon.
Naestoryahan sab namo ang pulitika sa siyudad sa Sugbo, tali ni Mayor Tomas Osmeña ug Bise Mayor Edgar Labella nga maoy nag-ilog sa posisyon sa pagka mayor.
Sila si Mike Rama ug Konsehal Mary Ann delos Santos, alang sa pagka bise mayor. Natuki sab namo ang panag-atbang ni Kong. Red Durano kontra Duke Frasco sa pagka kongresista sa ikalimang distrito.
Ilang gipasabot nga ang kaso ni Gwen nga nahukman sa Ombudsman usa sa mga rason sa pagkapildi.
Akong panglantaw sa dili pa ang election mahinlo-an si Gwen sa kaso niining giatubang.
Ang nahitabo tulo ka adlaw sa wa pa ang election mipagawas ang Court of Appeals og desisyon nagpabor ni Garcia.
Ang kakugi ni Gwen, man to man nga paagi sa kampanya. Samtang ang usa sa mga pulitiko nga kaalyado ni Magpale, nakahonghong kanako.
Pinaagi sa pag-ingon nga gipangga si Garcia sa mga senior citizens. Matod pa sa pulitiko grabe ang karisma ni Gwen ngadto sa mga senior.
Maglumba sa pag-adto ang mga tiguwang sa kalihukan nga gipasiugdahan ni Garcia.
Kon imong tan-awon lisud laksi-on sa kasingkasing sa mga tawo tungod sa mga nahimo ni Garcia sa probinsya sa Sugbo.
Matod pa sa usa sa mga sinaligan ni vice governor-elect Junjun Davide, igo gayud ang imong pagtoo.
Ang mga tawo ni Magpale, pwerting saktuha sa imong mga panglantaw sa pulitika.
Sa ikalimang distrito gusto mosuway ang katawhan ilabi na sa among siyudad sa Danao ug laing modumala sud sa 70 ka tuig nga pagdumala sa mga Durano.
Karon nga si Frasco na ang mopadagan sa among distrito, sundan namo ug mohimo kami og pagkompara sa mga Durano. Email: efrenlonzon71@gmail.com Text: 09235562777