NAGSAULOG karon sa iyang ika-68 nga adlawng natawhan si Cebu City Mayor-elect Edgardo Labella, unang kasaulogan sa iyang adlaw isip napili nga mayor sa dakbayan.
Apan kagahapon, Mayo 21, si Labella gisurprisa sa iyang pamilya, supporters, staff sa Vice Mayor’s Office ug mga higala sa kasamtangang bise mayor sa K-Nowboi Grill and Resto sa dalan J. Llorente saBarangay Capitol Site niadtong lunes, Mayo 20, nga gipasiugdahan nilang Kathryn Yap ug Lovie Uy.
lakip sa nitambong sa surprise party ang mg higala sa Walk and Talk Friendship Club.
Si Labella nipadayag sa iyang kalipay sa suporta kaniya aron magpalampuson sa iyang tinguha nga moserbisyo isip mayor sa siyudad.
“Nagpasalamat ko sa inyong suporta nako unya akong panghinaot, tabangan ko ninyo. Tabangan nato ang atong syudad kay atoa man ni. Daghan kaayong salamat kay wa man ko mag-expect ani inyong gi-prepare nako,” si Labella nagkanayon. (RVC)