Water system, kadalanan tutokan sa pagkasubli ni Emano

SA PAGTAPOS sa piliay ug pagkasubli og balik ni Misamis Oriental Governor Bambi Emano, tipik sa iyang pasalig sa iyang pamunoan nga matutokan ang kadalanan ug water system sa probinsya sa Misamis Oriental.

Aminado kini nga problema kaayo ang suplay sa tubig sa Distrito dos kay kini nga mga lugara ang kanunay apektado sab sa grabeng kainit.

Sugdan ang phase 1 sa water system sa lungsod sa Tagoloan nga palapdan paingon ngadto sa lungsod sa Balingasag, ngadto sa lungsod sa Opol ug Alubjid, ug ang second phase niini ibubo sa laing dapit sa Distrito Dos.

“Water system of Misamis Oriental which will start in Tagoloan sa first phase and it will extend to municipality of Balingasag to Opol and Alubijid and second phase is to Opol to Laguindingan and maybe more of 2nd district kay ang 1st district arang arang kahimtang sa atong panubig,” butyag niini.

Buot sab niini nga tutokan ang mga proyekto nga wala pa mahatag ug laumang mahatag sa iyang pagtapos sa termino.

“I will ask my department heads to go over what we were able to do and wasn’t able to finish for 2019 and we will invest it more of re-alignment,” matud sa gobernador tungod kay iyang nakita sa iyang paglibot sa kabarangayan sa matag munisipyo labina gyod sa kabukikarn nga bahin daghan sa mga dalan ang angayan tul-iron.

“Because as I went campaigning municipalities especially sa hinterlands daghan kog nakita nga angayan tul-iron nga mga dalan,” dugang niini atol sa uwahing interbyu sa Sun.Star Superbalita ug uban media sa wala pa ang piliay.

Human sa kamatayon sa amahan niini nga si Dongkoy ug human sa eleksyon mamatikdan nga wala pa kini gapahinabi sa mga sakop sa prensa.

Ang provincial information Officer niini nga si Carlo Duga-duga nibutyag nga taliwala sa pagtaliwan sa amahan niini ang gobernador padayon sa pagserbisyo sa katawhan.

“Gani human sa eleksyon nag-atubang kini atol sa People’s Day diha sa Kapitolyo Probinsyal, aron mabati ang yangongo sa katawhan,” matud ni Duga-duga ug midugang nga aktibo kini sa pagtubag sa panginahanglanon sa mga tunghaan ning nagpadayon ang Brigada Eskwela.

Nihatag sab kini og pundo sa mga tunghaan alang sa pagsugod sa Brigada Eskwela kon hain adunay gitunol nga balor P4.4 milyon alang sa covered court ug stage sa tunghaan sa Alubijid Central School, covered court sa Tagoloan Central School ug kantidad nga P3 milyon nga tseke ngadto sa Local School Board aron pag-apod ngadto sa mga tunghaan dugang ayuda sa nagpadayon nga Brigada Eskwela.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph