Kaso sa heat stroke misaka

TUNGOD sa padayon nga nasinatiang kainit sa panahon giingong nisaka ang mga insidente sa heat stroke nga narespondehan sa City Disaster Risk Reduction and Management Department (CDRRMD) sa dakbayan sa Cagayan de Oro.

Gibutyag ni Nick Jabagat, ulo sa CDRRMD, nga ning bulan dunay tulo ngadto sa upat ka insidente ang natala sa ilang buhatan diin anaa pa sa tunga-tunga sa bulan.

“Sa karon nga bulan, nisaka ang atong number pud ana nga mga incidents especially kaning mga homeless so naa didto pila ka tawag atong nadawatan naa sa terminal, public markets na nangaluya nalang sa daplin atong nahibal-an usa sa cause ang sobra nga kainit,” matud ni Jabagat.

Nagpahimangno kini sa katawhan nga dili magkumpiyansa ug kanunay nga mag-inom og tubig ug dili magbulad diha sa kainit sa panahon ilabi na nga bisan og nakasinati sa pag-ulan apan masinatian ang kainiton mga alas 7 pa lang sa sayong kabuntagon.

“Make sure to hydrate always sa panahon nga grabe nga kainit, always bring water, dili gyud magkumpiyansa,” dugang ni Jabagat.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph