HUMAN gibuligan sa katawhan sa ikatulo ug pinakaulahing termino si Cagayan de Oro Mayor Oscar Moreno gi-aghat niini ang mga empleyado sa city hall nga mas palambuon pa ang serbisyo sa katawhan sa maong siyudad.
Atol sa unang flag raising nga gihimo human sa eleksyon nagpasalamat si Moreno sa tanang katawhan ilabi na usab sa mga empleyado sa city hall tungod na usab kay ang kadaugan niini dili lamang tungod kaniya, apan kini giingong sistema diha sa city hall diin maoy naghatod sa mga serbisyo ngadto sa katawhan.
“I hope we will renew our commitment, I hope the results are inspiring to all of us as it is inspiring to us sa mga kandidato because of that atong e renew kung mahimo ato pang dugangan pa ang atong commitment and determination,” matud ni Moreno.
Gipasalig usab niini nga sa ikatulong termino isip mayor sa siyudad nga daghan pa nga mga maanindot nga butang ang mahitabo sa siyudad ug nag-aghat sa tanan nga pangitaan og paagi nga mas mapalambo pa ang serbisyo.
“Many good things are still in store for Cagayan de Oro ang importante lang is we continue improving ourselves let’s not be contented with what we’ve done kung mahimo pangitaan gyud og paagi nga ma improve nato atong serbisyo because the people of Cagayan de Oro deserves nothing less but the very best from all of us,” dugang niini.