MyOrmoc City gilunsad

LEYTE. Gipaila-ila ni Ormoc City Mayor Richard Gomez ang bag-ong mobile application alang sa Ormoc City, Leyte, Miyerkules, Mayo 22, 2019. (John Kevin D. Pilapil)
LEYTE. Gipaila-ila ni Ormoc City Mayor Richard Gomez ang bag-ong mobile application alang sa Ormoc City, Leyte, Miyerkules, Mayo 22, 2019. (John Kevin D. Pilapil)

ORMOC CITY, Leyte -- Gipaila-ila ni Ormoc City Mayor Richard Gomez ang bag-ong mobile application nga gitawag og MyOrmoc City sa mga Ormocanon, Miyerkules, Mayo 22, 2019.

Matud ni Gomez ang mobile app mamahimo nang ma-download sa mga android phones.

Makita sa mobile application ang mga hulagway sa mga opisyales sa dakbayan sa Ormoc.

Dugang ni Gomez ang nakanindot sa MyOrmoc City kay makita na niini ang nagkadaiyang tourist destinations, mga produkto ug uban pang nindot nga mga lugar dinhi.

Duna usab mga emergency numbers nga matawagan bisan asa muadto sa Ormoc ang mobile app.

Kung nagplano ang usa ka tawo nga mo bakasayon sa Ormoc, duna usab mga impormasyon bahin sa mga hotels ug transportation.

Duna usab ni'y impormasyon sa mga hospital, spa and wellness ug mga bangko.

Mabasa usab sa mobile application ang kasaysayan sa Ormoc ingon man ang mga cultural heritage.

Matud ni Mayor Gomez, makadawat og notification sa mga announcement ug updates sa Ormoc ang nag download niini.

Makita usab niini ang mga nakahan-ay nga kalingawan ug ubang aktibidad sa dakbayan.

Ang maong mobile application gi-developed sa STI College Ormoc inabagan sa Ormoc City Govenrment information and technology department ug media center. (Superbalita Cebu)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph