Raptors mitabla sa series

GI-FOUL: Wala igbali ni Toronto Raptors guard Kyle Lowry (7) ang gitas-on ni Milwaukee Bucks forward Giannis Antetokounmpo (34) sa dihang iya kining gidunganan og lupad aron suwayan og tapan niining aktoha atol sa Game 4 sa Game 4 of the NBA basketball playoffs Eastern Conference finals kagahapon. Hinuon natawagan siya og foul. (AP)
GI-FOUL: Wala igbali ni Toronto Raptors guard Kyle Lowry (7) ang gitas-on ni Milwaukee Bucks forward Giannis Antetokounmpo (34) sa dihang iya kining gidunganan og lupad aron suwayan og tapan niining aktoha atol sa Game 4 sa Game 4 of the NBA basketball playoffs Eastern Conference finals kagahapon. Hinuon natawagan siya og foul. (AP)

GIPANGLAMPORNAS sa host Toronto Raptors ang Milwaukee Bucks, 120-102, kagahapon sa Game 4 aron tablahon ang Eastern Conference finals series, 2-2, sa National Basketball Association (NBA).

Nahimo kini sa Raptors bisan nagsagubang og over fatigue ang ilang lider nga si Kawhi Leonard, kinsa limitado ra’ng oras sulod sa korte human kini mikombati og 52 ka mga minutos sa ilang duha ka mga overtime nga kadaugan sa Game 3.

Ning higayuna, sulod ra sa 34 ka mga minutos niduwa si Leonard apan nakatampo gihapon kini og 19 puntos.

Ang kadaugan gipangulohan ni Kyle Lowry pinaagi sa iyang 25 puntos unya aduna pa’y laing upat ka mga magduduwa ang Raptors nga nakahimo og dobleng numero nga puntos.

“This was one of the nights that we knew Kawhi was a little bit limited and we had to come out and be aggressive for him,” matod ni Lowry.

Gipasabot ni Leonard nga andam niyang antuson ang kahago aron makatabang sa kampanya sa Raptors, nga wala pa sukas nakasulod sa NBA Finals.

“I feel good. I’m going to keep going and keep fighting. We have a chance to make history,” asoy ni Leonard.

Giklaro ni Raptors coach Nick Nurse nga wala siya nabalaka sa kahimsog ni Leonard ug nagkinahanglan lang kini nga makapahuway og insakto.

Gipasabot ni Nurse nga iyaha untang papahuwayon og mas taas nga oras si Leonard apan gusto gyud niining moduwa.

Nidugang og 18 puntos si Norm Powell alang sa Raptors, minghatag og 17 puntos matag usa sila si Marc Gasol ug Serge Ibaka samtang nihatag og 13 puntos si Fred VanVleet.

Ang Game 5 mobalik sa balwarte sa Bucks ugma (RP time) ug mao kini ang pangandaman og insakto sa Raptors hilabi na kay wala pa’y nakadaog nga bisitang puwersa ning maong series.

“We need to take this challenge of playing in a hostile environment,” asoy ni Nurse kabahin sa Game 5.

“We’re going into a tough, loud place to play. Let’s see if those guys can bring that same pop and focus and determination on the road.”

Ang Bucks gipangulohan ni Khris Middleton pinaagi sa iyang 30 puntos samtang nihatag og 25 puntos ug 10 rebounds si Giannis Antetokounmpo.

Lakip sa regular season, mao pa lang kini ang ikaduhang higayon nga nasagunsonan og duha ka mga pilde ang Bucks.

Ang Bucks maoy kanunay nga naglabaw sa 1st quarter apan pagsugod sa 2nd quarter, nabali ang dagan hangtod na sa katapusang gutlo. (AP, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph