Warriors inilog sa finals

NAPATIK sa sportsbooks nga inilog ang back-to-back defending champion Golden State Warriors sa 2019 National Basketball Association (NBA) Finals bisan asa sa Milwaukee Bucks o Toronto Raptors ang makontra.

Inig sugod sa NBA Finals, ang Warriors sakto sa pahuway gumikan kay ilang girisuhan ang Portland Trail Blazers sa Western Conference finals, 4-0, samtang kasamtangan pang nagtabla ang Bucks ug Raptors sa Eastern Conference finals, 2-2.

Ang Game 1 sa NBA Finals gikatakda karon pang Mayo 30.

Ang Warriors ningbutlog sa Trail Blazers bisan wala ang ilang usa sa labing sinaligan nga si Kevin Durant hasta si DeMarcus Cousins nga pulos nagpaalim sa ilang tagsatagsa ka angol. Si Andre Iguodala wala sab nakaduwa sa Warriors sa Game 4.

Wala pa’y klaro kon kanus-a makabalik ang tulo sa mga haligi sa Warriors apan bisan pa niini apan malaumon si coach Steve Kerr nga makompleto na sila sa dili pa mahuman ang NBA Finals. (AP, ESL)