MIBAHAD si American Keith Thurman nga iyang paretiruhon si Filipino boxing icon Manny Pacquiao pinaagi sa brutal nga knockout sa ilang panagharong karong Hulyo 20 sa MGM Grand Garden sa Las Vegas, Nevada.
Mao kini ang pasiatab ni Thurman dihang nagtagbo sila ni Pacquiao sa usa ka press conference sa New York kagahapon aron sugdan pag-promote ang ilang away.
Sa ilang umaabot nga away, depensaan ni Thurman ang iyang World Boxing Association (WBA) welterweight ‘super world” title. Si Pacquiao maoy tag-iya sa WBA welterweight regular title.
Gipasabot ni Thurman nga aduna siya’y respeto sa mga nakab-ot ni Pacquiao nga kalampusan apan masaligon kini nga siya maoy makatanom makaparetiro sa Pambansang Kamao ng Pilipinas.
“Come July 20, he will disappear. He belongs as a senator in the Philippines,” asoy ni Thurman. “What I am doing to Manny Pacquiao is what he did to Oscar De La Hoya.’
Si Pacquiao maoy nagparetiro ni De La Hoya dihang iya kining gipaundang sa 8th round sa ilang away niadtong 2008.
‘Trash talk doesn’t mean nothing, but when he is on that mat and catching that night night, it’s really going to mean something,’ dugang ni Thurman, kinsa adunay 29-0, 22KOs nga rekord.
Sa iyang bahin, si Pacquiao mitataw nga wala siya’y bisan gamay nga kabalaka sa bahad ni Thurman.
“I’ve been in this sport more than two decades. No one can intimidate me,” sa 8-division world champion, kinsa naggunit og 61-7-2, 39KOs nga rekord.
Sa usa ka talagsaon nga hitabo, si Pacquiao gikonsiderar nga ‘underdog’ ning awaya nga maoy ampay sa figting senator sa rason nga makadugang kini kaniya og kadasig.
‘I will make sure I am in 100 per cent condition and ready for the fight, and let’s see who is tougher in the ring on July 20. It is going to be exciting and I like it. I like I am the underdog for this fight, this is fun, this is what I want,’ asoy ni Pacquiao.
Gipasabot ni Pacquiao nga delikado nga kontra si Thurman hinungdan nga dili siya mokompiyansa bisa’g gamay niining awaya.
Iyang gikonsiderar si Thurman nga sama og estilo nila ni Miguel Cotto ug Ricky Hatton apan mas abtik lang kini.
“Keith Thurman’s style is different, it’s really different,” matod ni Pacquiao. “It’s similar to Miguel Cotto or Ricky Hatton, but faster than Ricky Hatton.”
Sama sa nangagi niyang mga away, wala malikayi nga adunay nangutana kang Pacquiao nga adunay kalambigitan ni Floyd Mayweather Jr.
Gipangutana si Pacquiao kon nagtuo ba siya nga kon iyang malupig si Thurman, hayan madani si Mayweather nga makigharong kaniya og balik.
“I don’t think so. He would be scared more,” tubag ni Pacquiao. (ESL)