NASAYOD ba mo nga ang teleseryeng “Flor de Luna” nga unang nisikat sa radyo nga sinuwat sa Cebuano director nga si Marcos Navarro Sacol ang usa sa mga longest-running TV show sa Pilipinas?
Si Direk Marcos Navarro Sacol usab ang nagpaluyo sa local TV blockbusters “Goat the Wanderpol,” “Milyonaryong Mini,” “Cynthia ang Pinili” ug “Isabel Sugo ng Birhen.”
Pipila lang ni sa mga obra maestra ni Direk Marcos nga nagsugod sa radyo niadtong 60’s diin lakip sa iyang mga di malimtang drama ang “Amorsolo,” “Manok ni San Pedro” ug “Esteban Escudero.”
Si Direk Marcos namatay sa edad nga 81 niadtong Sabado, Mayo 18, 2019, tungod sa kumplikasyon sa diabetes apan ang iyang legasiya siguradong magpabilin.
Ang iyang lawas gihaya karon sa St. Peter Funeral Homes, Imus Road, Cebu City. (Alan Tangcawan)