Davao Region padayong nanghawod

Sila Roshua Daclan ug Dave Torres sa Davao region mipakita sa ilang champion moves. (Mark Perandos)
Sila Roshua Daclan ug Dave Torres sa Davao region mipakita sa ilang champion moves. (Mark Perandos)

ANG swimmer nga si Eirron Seth Vibar milangoy sa iyang ikatulo nga gold medal, ug ang runner nga si Arlan Arbois, Jr. miangkon sa ikaduha niyang bulawan, samtang ang dancesports team mikamada og duha ka gold sa Davao region sa nagpadayong National Prisaa Games 2019.

Ang manlalangoy sa Davao City nga si Vibar, 16, sa Apo Learning Village, nanguna sa junior boys 1500-meter freestyle event, mioras og 18 minutos ug 15.31 segundos sa Davao del Norte Sports and Tourism Complex sa Tagum City Miyerkules, Mayo 22.

Gipildi niya sila Andre Lois Valencia (19:12.82) sa Central Visayas ugRonald Kent (19:25.09) sa Western Visayas nga miangkon sa silver ug bronse.

Nakakuha sab siya og duha ka bulawan (junior boys 400m individual medley, 200m freestyle) ug usa ka bronze (juniors boys 200m butterfly) Martes, Mayo 21.

Ang Dabawenyong si Vibar, 10th BIMP-Eaga Friendship Games 2018 gold medalist, ang “on track” sa pag-angkon niya sa iyang tumong nga madag-an ang most valuable player (MVP) award.

Mopakita pa siya og aksiyon sa tulo ka events sa langoy.

“Para po sa friends, family and all those who supported me through the years,” ni Vibar sa iyang kadaugan sa National Prisaa Games 2019 nga gisuportahan sa Philippine Sports Commission (PSC), city government of Davao, Department of Education ug Commission on Higher Education.

Samtang si Rizal Memorial College’s Crimonology student Arbois, sa iyang parte, ang di katuo nga siya manguna sa senior men’s 10,000m run kagahapon human gidominar ang 5,000m, Martes sa University of Mindanao (UM) track oval.

Ang 22-anyos nga kampeyon nagdugang nga ang igsuon lamang niya ang nasayod sa iyang kadaugan, tungod lisud nga makontak ang iyang ginikanan nga sila Arlan Sr., ug Ginalyn, kay way signal sa ilang lugar sa Tupi, South Cotabato.

“Naanad nako mudagan pasaka panaug nga dalan. Wala koy coach pero tong 11 ko nagsugod nako apil og lumba,” ni Arbois sa pakighinabi sa SunStar Davao.

Sunod siyang motigi sa 1,500m apan di niya buot mokumpiyansang modaug tungod di kini niya paborito nga event.

Si Prisaa first timer Jericko Roy Juyo, miangkon sab og gold sa secondary boys 5,000m, Martes sa hapon.

Mioras siya og 18:17:28, gipildi sila Edmar Catacutan (19:05:28) saCagayan Valley ug Jerome Mhiko Rosario sa Central Visayas (19:34:00).

Si Juyo, 18, incoming Grade 12 student sa Emar Human and Environmental College, gikalimtan ang kakulba pinaagi sa pag-enjoy sa iyang pagdagan.

“Isip lang nako akong pamilya, akong future na makaabot ko sa laing bansa, mamahimong national team member.”

Samtang sa Philippine Women’s College (PWC) Auditorium, ang pares nilaDave Torres-Roshua Adela Daclan ug Lance Roy Laude-Krashel Bishoppe Balanza sa Davao region maoy mikampeyon sa nagkadaiyang event nila sa

dancesports competition, Martes.

Sila Torres ug Daclan sa Davao Doctors College nanguna sa modern standard senior division gold kontra Eleazar Sumaol ug Ma. Sophia Puerto sa Soccsksargen nga naka-silver ug Von Elijah Lavaro ug Allyssa Dator sa Calabarzon nga nakabronse.

Ang taga-UM nga sila Laude-Balanza, mipildi sa ilang kaatbang nga sila Jury Pagcalibangan ug Princess Joy Estabillo sa Soccsksargen ug Justin Kyle Tapales ug Iralee Janelle Galanto sa Zamboanga Peninsula alang sa modern standard junior division gold.

As of 12 noon Miyerkules, ang Davao region mikolekta na og unom ka bulawan sa athletics, lima ka gold sa swimming ug duha ka gold sa dancesports.

Ang coverage sa SunStar Davao sa National Prisaa Games 2019 nahimong posible uban sa major sponsors Matina Enclaves, Santos Land Development, 8890 Holdings, Inc., Anflocor, Sky Cable ug Pagcor samtang ang minor sponsors Aeon Luxe Properties, Davao Doctors College, GH Office Depot, Grand Land, Inc., Alu Hotel, Davao Medical School Foundation, NCCC ug Office of the Special Assistant to the President.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph