SECTIONS
Tuesday, June 25, 2019
SUPERBALITA DAVAO

Delos Reyes: Davao, dabest!

Yanong Pagsabot

MAAYONG adlaw sa atong mga sumosunod sa nagkadaiyang dapit sa Mindanao. Nia ta karon sa lungsod sa Guiginto, Bulacan uban sa mga atleta nga PWD gikan sa dakbayan sa Davao aron makigtigi sa National Paralympics sa Philspada.

Bulahan ang atong mga atleta nga gipadala dinhi kay hugot ang suporta sa atong gobyerno sa dakbayan sa Davao nga naghatag og kahigayonan kanila nga makasinati sa talagsaon nga kasinatian kay ang uban kanila wala gyud nagdahom sa ilang kinabuhi nga makasakay sa eroplano ug molangyaw gawas sa Mindanao tungod sa kakulian sa ilang panglawas.

Nahibalag sab nako ang pipila ka mga atleta nga taga dinhi sa Bulacan nga miapil sa bag-ohay pang gi-host sa dakbayan nga Palarong Pambansa nga nagdala’g nindot nga kasinatian kon unsa ang kinabuhi sa katawhan sa Davao.

Matud pa sa atleta sa volleyball nga pagkanindot sa tubig nga ginatagamtam sa mga Dabawenyo kay lahi ra gyud kon itandi sa uban bisan sa ilang tubig dinhi sa Bulacan.

Ang kaabunda sa mga prutas ug ang kahinlo ug hapsay nga trapiko.

Wala sa kumingking ang traffic nga ginamulo sa katawhan sa Dabaw nga dala sa paglambo sa atong dapit sukad nahimong Presidente si Rodrigo Duterte.

Uban ko sa pagsugat sa among usa ka kauban nga naulahi kay wala midungan sa flight sa mga atleta sa among paggikan.

Kon hapsay ang dagan sa sakyanan padulong sa NAIA gikan dinhi sa Bulacan, ang biyahe makuha lang sa 45 minutos apan mibiyahe mi og kapin upat ka oras. Nakatulog na lang ang akong mga kauban ug nakamata sa pila ka higayon naa pa gihapon mi sa naghuot nga mga sakyanan sa dalan.

Sa akong pagkaligo kaganihang buntag akong namatud-an nga tinuod gyud nga layo ra ang tubig nga miagas sa gripo dinhi sa eskuwelahan sa tubig nga ginausik- usikan lang sa katawhan nga gikan pa sa tiilan sa Mt. Apo, mao dili ta maulaw sa slogan nga “Life is here” sa atong dakbayan.

Usa ka pinasahe nga gasa gikan sa kahitas an nga angay natong ampingan ang tubig ug ang nindot natong kinaiyahan nga ikaw ug ako adunay responsibilidad nga angay pangakuhan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph