SUPERBALITA CEBU

‘Killer’ sa dalagita nasikop human pasakai og murder

SUSPEK: Si Jessie Mediquillo dihang mitahan sa kapulisan pipila ka adlaw human mapatay ang dalagita sa Dakbayan sa Danao niadtong Abril 2019. (SunStar File Photo)

MGA awtoridad ningsikop sa sa Martes sa buntag, Mayo 21, sa primary suspect sa pagpatay sa 14-anyos nga dalagita kinsang lawas nakaplagan sa septic tank sa Cogon Cruz Elementary School sa Danao City, matod sa usa ka police official.

Si Criminal Investigation and Detection Group (CIDG) Director Amador Corpuz niingon nga si Jessie Mediquillo, 34, nasikop sa mga operatiba sa CIDG sa Sugbo tinambayayungan sa Danao ug Cebu City Police Station mga alas 7:30 sa buntag sa Barangay Lahug, Cebu City.

Si Corpuz nakadawat sa report kalabot sa pagkasikop ni Mediquillo gikan kang CIDG Central Visayas Police Regional Director Lito Patay.

Si Mediquillo, security guard, dunay arrest warrant nga giluwatan niadtong Mayo 14 ni nga giluwatan ni Judge Ma. Josefa Pinza-Ramos sa Danao City Regional Trial Court sa kasong murder.

Ang biktima nga si Thesa Marie Ygay gikataho nga missing niadtong Abril 6.

Nakaplagan ang iyang lawas sud sa usa ka septic tank sa iyang tunghaan niadtong Abril 8.

Usa ka kutsilyo, steel tube, ug usa ka kahoy, uniporme sa usa ka sikyu nga dunay name tag ni Mediquillo nga dunay mga lama sa dugo napalgan sud sa guard house sa tunghaan.

Si Mediquillo nitahan apan gibuhian kay wa pa mapasakai og kaso. (SunStar Philippines)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph