MAAYONG balita alang sa taang konsumidor.
Ang Department of Agriculture (DA) 7 naka-monitor og P2 nga pagkunhod sa kilo sa commercial nga bugas sa lalawigan sa Sugbo.
Sumala sa DA, posible nga usa kini sa epekto sa bag-ong balaod nga Rice Tariffication Law.
Apan gipahibalo sa DA 7 nga wala gihapon masunod ang suggested retail price sa bugas humay sa Sugbo nga gimando sa ilang ahensiya tungod kay inangkat kini sa kaulohan.
Aron usab mapadayon ang monitoring sa presyo sa commercial nga bugas sa kamerkadohan, gikinahanglan nga ma-reactivate ang tagsa-tagsa ka mga local price coordinatiin council sa tagsa-tagsa ka mga local government unit.
Mao kini ang nakita sa DA 7 nga maprotektahan ang mga konsumidor batok niining namaligya nga nagpatuyang lang ang pagsaka sa presyo sa bugas.
Matod ni Dr. Gerry Avila, supervising engineer sa Agribusiness and Marketing Assistance Division (AMAD), nga sa pagkakaron wa’y gahum ang ilang ahensiya sa pagpahamtang og penalty niadtong mga mapatud-an nga nipatuyang og pasaka sa presyo sa ilang gibaligyang bugas humay.
Dugang ni Avila nga igo lang sila mo-monitor sa presyo.
Ang gahum nga mopahamtang og multa anaa kini sa lokal nga kagamhanan. (HBL)