Taga Cebu midaug og P107M sa lotto

NAGBINUGTONG nga mamustahay gikan sa Toledo City, Cebu mao ang nakadaug sa jackpot prize nga di mominusa hundred million sa bola sa 6/42 lotto, sa Martes, Mayo 21.

Sa Facebook page sa Philippine Charity Sweepstakes Office (PSCSO), ang nakadaug mokobra sa kinatibuk-ang jackpot prize nga P107,289,200.

Ang ningdaug nga mga numero 19, 34, 25, 01, 04, ug 13.

Mao kini ang ikaduhang mananaug gikan sa Sugbo nga nakadaug sa lotto jackpot prize karong tuiga.

Niadtong Enero 21, usa usab ka Sugboanon ang nakadaug sa P239 milyunes nga premyo sa grand lotto 6/55 nga bola.

Niadtong Agusto 1, 2016, usa ka Sugboanon nga nipusta nidaug usab og P272 milyunes sa 6/55 nga bola ug niadtong Marso 15, 2018, P10 million usab ang nadaug sa usa ka taga Linao, Talisay City sa 6/42 nga bola.

Ang daug kuhaan na og 20 porsyentong buhis busa di tanang daug mahiadto sa winner.

Isip tipik sa protocol sa PCSO, ang ngan sa mga mingdaug di ibutyag sa publiko ug kini confidential. (JJL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph