Mga kalag naa sa prisohan?

CEBU. Ang hulagway kuha sa Centro Police Station sa Dakbayan sa Mandaue ubos ni Major Aldrin Villacampa sa usa ka piniriso, kinsa nasikop niadtong Sabado, Mayo 18, sa usa nila ka checkpoint. Sila si Villacampa nahibung nganong sa tanan, ang iya rang hulagway ning mao nga piniriso ang migilaw. Tan-awa ang laing piniriso sa wala nga kilid, wa ni mogilaw. Matod sa piniriso, kinsang ngan gipapugngan sa pulis, nga kalag nga nagtabon niya ang hinungdan sa paggilaw. Estorya sa pahina 2. (Tampo sa MCPO)
CEBU. Ang hulagway kuha sa Centro Police Station sa Dakbayan sa Mandaue ubos ni Major Aldrin Villacampa sa usa ka piniriso, kinsa nasikop niadtong Sabado, Mayo 18, sa usa nila ka checkpoint. Sila si Villacampa nahibung nganong sa tanan, ang iya rang hulagway ning mao nga piniriso ang migilaw. Tan-awa ang laing piniriso sa wala nga kilid, wa ni mogilaw. Matod sa piniriso, kinsang ngan gipapugngan sa pulis, nga kalag nga nagtabon niya ang hinungdan sa paggilaw. Estorya sa pahina 2. (Tampo sa MCPO)

“ICE Man” ang tawag sa kapulisan sa 40 anyos nga lalake nga ilang nadakpan.

Human nga susama og napuno sa “frozen” nga ice o naggilak-gilak ang lawas niini sa dihang gikuhaan og hulagway sa kapulisan sa Centro Police Station sa Mandaue City Police Office (MCPO).

Giingon nga ang maong tawo ang gisalipdan sa kalag sa usa ka tawo nga namatay sa maong prisuhan.

Samtang usa ka pari nitambag nga di dayon motuo, apan mas maayo usab nga pabendisyunan ang maong police station.

Si P/Maj. Aldrin Villacampa, hepe sa Centro Police Station, niangkon nga nakurat siya sa iyang nakita kay siyay nikuha og picture sa piniriso, nga taga Yati, Liloan.

Ang lalake ilang nadakpan sa checkpoint human makuhaig shabu niadtong Biyernes sa gabii, Mayo 17, samtang Sabado sa buntag, Mayo 18, gikuhaan siya og mga hulagway.

Tungod sa giingon nga paranormal nga panghitabo, nihangyo ang piniriso nga di siya hinganlan.

Ang mga pulis mokuha og hulagway sa mga bag-o nga piniriso isip documentation ug file nila, gawas sa mug shot.

Sa una nilang pagkuha og hulagway sa maong piniriso gamit ang cellular phone nga adunay flash ang camera, nahingangha ang desk officer sa nakita sa picture nga susama og napuno sa ice.

Gani gisita pa kini nga patarungon hinungdan nga si Villacampa ang nangunay sa pagkuha og hulagway sa piniriso.

Apan giingon nga susama gihapon ang makuha, dunay mogilaw sa iyang lawas.

Gisulayan usab sa pag-piktyur nga tupad siya sa ubang piniriso o anaa siya sa likod sa piniriso, apan pareha gihapon ang kuha, siya lang ang mogilaw, ang uban normal lang.

Makita nga sa mga tupad niini nga mga piniriso adunay ginagmay ug katag nga gilak-gilak.

“Kay nagsige naman sila ingon nga tarung ba. So, ako nisulay ko og picture. Mao man gyud makuha nako sa akong cellphone, napuno siya sa siga, nga mura lage’g ice. Mao na gitawag siya diha sa iya mga kauban nga ‘ice man’. Na-surprised sad ko sa pagkakita ani, nga first rime ni nako sa akong pagka-pulis,” saysay ni Villacampa sa Superbalita Cebu.

Apan sa dihang gisulayan na kini sa tigbalita sa pagkuha og hulagway Martes sa buntag, Mayo 21, gamit gihapon ang camera nga adunay flash sa cellular phone, wa na ang susama og ice sa lawas niini.

Matod sa piniriso nga nipahawa na ang kalag kay wa niya kini tagda.

Third eye?

Pangangkon sa piniriso nga aduna siyay third eye, ug nga ang usa ka kalag sa namatay sa maong prisuhan buot nga motabon unta kaniya.

Sa rason nga buot nga makig-”bond” kaniya ang kalag aron mapasa kaniya ang mensahe nga buot niini mapaabot.

Apan nagdumili siya sa pagdawat sa mensahe hinungdan nga wala na usab nagsinamok kaniya ang kalag.

Tungod sa giingong “third eye,” gitug-anan sa piniriso si Villacampa nga gawas sa kalag nga anaa sa prisuhan, aduna pay laing elemento o di ingon nato nga uban sa mga pulis nga nag-estar sa palibot ug sulod sa estasyon.

Giingon nga anaa ang usa ka itom nga bata nga kulot og buhok.

Laing duha usab ka dagkong mga itom nga lalake giingong nga mosulod gawas sa Women’s desk office.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph