USA ka lalaki nga gitouhang giatake sa iyang sakit ang napalgang naglutaw niadtong Miyerkules, Mayo 22, 2019, sa dagat tungod sa Barangay Jampason, lungsod sa Jasaan, Misamis Oriental.
Si Police Captain Dennis Ebsolo, hepe sa Jasaan Police Station, miila sa biktima nga mao si Joselito Dalumot, 46, minyo residente sa susamang barangay.
Matud ni Police Captain Ebsolo nga basi sa ilang inisyal nga imbestigasyon ug sulti sa asawa niini nga kining biktima nananghid nga manginhas niadtong tungora.
Wala na kini makabalik hinungdan ilang gipangita. Mao na lamang ilang nadiskubre naglutaw na kini 30 metros ang kalay-on gikan sa gipanginhasan niini nga wala nay kinabuhi ug naglutaw sa dagat.
Dako ang pagtou sa pamilya nga samtang nanginhas kini giatake kining biktima sa iyang sakit nga hypertension ug walay nakakita ug nakatabang hinungdan sa iyang kamatayon.
Gani, gidala pa kini sa balay tambalanan sa lungsod sa pagtoung masalbar apan nakabsan na kini sa iyahang kinabuhi.
Wala sab nakita nga foul play sa kamatayon sa biktima.