NASAPON sa akto nga gisakyan ug gimaneho sa usa ka lalaki ang motorsiklo sa Limketkai Center, Barangay 31, dakbayan sa Cagayan de Oro.
Ang suspek naila nga si Jojimel Abol, 25, nga taga Purok 5, Tuburan, Barangay Agusan, samtang ang biktima naila nga si Bebiano Paradero.
Sa nahipos nga impormasiyon, giingong nasiplatan mismo ni Paradero ang iyang motorsiklo mga alas 8:03 sa buntag sa dapit hinungdan nga daling nagpahibalo sa kapulisan ug girespondehan kini pinaagi na usab sa nila ni Police Master Sergeant Neil Apollo Delas Alas gikan sa Police Station 2 sa Cogon.
Giingong nasapon mismo sa kapulisan si Paradero nga sakay sa motorsiklo hinungdan nga gikompronta apan nibunot kini og kutsilyo hinungdan nga daling gisikop sa mga otoridad.
Kasamtangang anaa sa mini-cell sa Police Station 2 si Abol kinsa gitakdang pasakaan og kasong pagpangawat og motorsiklo.