3 Barangay Una boxers nanukma’g medalya sa Prisaa

TULO ka iskolar sa Barangay Una Boxing Program ni Davao del Norte 2nd District Representative Tonyboy Floirendo Jr. midaug og medalya sa nagpadayong National Private Schools Athletic Association (Prisaa) nga gihimo sa Davao City karon.

Sila Barangay Una boxers Andy Austria ug Harold Sayson pulos midaug og bronse nga medalya samtang si Julyfer Bascon misumbag og bulawan.

Si Sayson miaway sa 52 kilograms category; Austria sa 64Kgs; ug si Bascon sa 69 Kgs.

Sa nakalabay nga bulan, tulo ka Barangay Una boxers midaug og tulo ka medalya, duha ka gold ug usa ka bronse sa Palarong Pambansa nga gihimo sab sa Davao City.

Ang Barangay Una Boxing Program sa pamilyang Floirendo nakaprodyus na og daghang international boxing champions sama ni IBF World Super Flyweight champion Jerwin Ancajas ug Olympian Mark Anthony Barriga, ug uban pa.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph