SECTIONS
Tuesday, June 18, 2019
SUPERBALITA DAVAO

Compio: Kinabuhing OFW (2)

Tipik sa Kagahapon

SA MAONG insidente, hugtanon lamang nga mitindog sa iyang responsibilidad ang usa ka ginikanan ngadto sa iyang mga anak, bisan pa man sa mga kasakit nga nahitabo, bisan pa man sa pagkabungkag sa pamilya, -- apan ang pipila wa gyod nagpadala niini, inay mihimo pa og mga pamaagi aron mahaw-as sa umaabot nga ugma.

Pipila man god, kung mabungkag na ang pamilya, madamay ang tanan, maapil ang mga anak nga maoy hinungdan nga mosulod na sa druga ug sa mga di maayong buhat.

Moresulta kini sa hilabihan na hinuon nga problema ug pulos mga pagmahay ang naa sa ulahi... ang paghinuktok uban sa paghandom sa mga nangagi, dayon moingon sa kaugalingon nga -- sayang.

Saludo kita sa mga ginikanan, nga naninguha sa pagpatungha sa ilang mga anak, bisan pa man sa mga kasakit nga miabot sa kinabuhi.

Mga ginikanan nga wa nagpadala sa balud sa kapakyasan, mga ginikanan nga dunay dakong pagtan-aw sa kaugmaon sa ilang mga anak.

Sa mga anak, atong hunahunaon ang mga sakripisyo nga gihimo sa atong mga ginikanan luyo sa mga pagsulay nga miabot sa atong kinabuhi.

Maningkamot kita, ug atong ipakita kanila nga kita naninguha. Gakson nato sila padung sa entablado sa atong kalampusan sa umaabot nga mga ugma.

Luyo niining tanan, i-uban nato ang Diyos, mag-ampo kita kanunay Kaniya, ihangyo nato kanunay ngadto Kaniya ang mga butang nga makapalig-on sa atong mga pasalig ug sa kaugalingon, -- kay kining tanan, dili Niya kini ihikaw.

Hangtud sa sunod Biyernes, mga higala, dalaygon kitang tanan, uban sa gugma sa kaugalingon, sa atong isig-katawo ug sa atong Diyos.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!