ANG pagsi-ak sa 2-2 nga panagtabla sa series maoy masaksihan karong buntag sa dihang motapon ang Eastern Conference finals alang sa Game 5 sa National Basketball Association.
Ang Bucks nga yanong nakaposte og 2-0 sa unang duha nila ka panag-engkuwentro diha sa ilang korte nabawsan usab sa Games 3 ug 4 sa ilang pagsulong didto sa Toronto nga maoy nakapatabla sa series.
Tungod niini tinguha karon nila nga mabawi og balik ang momentum sa series, ug alang ni Milwaukee coach Mike Budenholzer nga kini magdepende sa ilang bench o backup players nga makahatag og saktong suporta ngadto sa ilang mga starters nga gipangulohan ni Giannis Antetokounmpo.
Sa Games 1 ug 2, nga didto duwaa sa Milwaukee, ang mga bench maayong nakawadwad ug nakasuporta sa opensa diin ilang gilupig ang mga reserves sa Raptors.
Apan sa pagtapon sa series didto sa Toronto nausab ang dagan sa momentum ug ang mga reserves na usab sa Raptors ang milupig sa Bucks aron tablahon ang series, 2-1.
Gusto ni Milwaukee headcoach nga ibalik sa iyang mga starters ang ilang kaagresibo diha sa ilang korte nga maoy ilang hinagiban sa unang duha ka sunodsunod nilang kadaugan.
Gitumbok ni Milwaukee headcoach Mike Budenholzer mao sila si Malcolm Brogdon, Ersan Ilyasova, George Hill ug uban.
Sa samang higayon, iya usab nga gidasig ang iyang mga batos sa pagpahugot sa ilang depensa.
Sa Game 4, ang reserver sa Raptors nga sila si Norman Powell, Serge Ibaka ug Fred VanVleet maoy nahimong mahait nga hinagiban sa Raptors aron pagsuporta ni Kawhi Leonard kinsa wa kaayo makawadwad tungod sa dili maayong gipamati niini.
Si Powell mipahagsa og 18 puntos, Ibaka mipupo og 17 puntos ug 13 ka rebounds ug midugang usab og 13 punots ug unom ka assists ni VanVleet.
“They need to play well,” matod ni Budenholzer. “I think our whole team, whether it be the bench or the starters, needs to be better defensively. This series, the benches have been critical and very influential and credit to Toronto’s bench, particularly. They really stepped up and had a huge game, and we need that from our group.”
Hinuon si Raptors coach Nick Nurse masaligon gihapon nga bisan og adto sa korte sa Milwaukee magpadayon gihapon ang lig-ong suporta sa iyang mga reserves.
“That’s really kind of our system, would be that we create opportunities and everyone’s involved and everybody’s touching the ball,” ingon niya. “Everybody’s moving and cutting. It’s kind of a free-flowing, open system.”
Si Kawhi Leonard igo lang nakahagdaw og 19 puntos.
“If we play with the effort we’ve put in the last two games, actually three of the four games in the series, we are going to have a really good chance to win,” dason ni Nurse. “We are going to put ourselves in position to win, and I don’t think it’s any tricky schemes or fabulous game plans. I think it’s our players playing their butts off, really.” (JBM)