SUPERBALITA CEBU

P160M kadaut sa El Niño

KAINIT SA ADLAW: Bisan tuod mouwan matag-karon-ug-unya, apan kon mag-init ang panahon, mamahit gihapon sa panit ang kainit ug ang mga maanindot nga beach resorts sa amihanan sa lalawigan sa Sugbo paborito nga suroyan sa pagpabugnaw matag summer. (SunStar File Photo)

SA INISYAL nga pakisusi sa Department of Agriculture (DA) 7 kabahin sa kadaot nga dala sa El Niño phenomenon, niabot na sa P159.5 milyones ang kadaot nga dala niini lukop Central Visayas.

Makita base na usab sa datus nga lapad nga kadaot anaa masinati sa agrikultura sa humayan diin gisundan kini sa pananom nga mais.

Sa Mayo 2 nga initial damage assessment sa DA 7 sa Central Visayas, labing naapektohan ang lalawigan sa Bohol diin anaa na sa P102.5 milyones ang kadaot nga natala.

Mayoriya niini tungod sa kadaot sa kahumayan diin niabot na sa 6,828 ka mga mag-uuma ang apektado.

Sa Sugbo, naa sa P828,000 ang natala nga kadaot sa kahumayan diin 40 ka mag-uuma ang apektado niini.

Mas halapad ang kadaot nga natala sa DA 7 sa kamaisan sa Sugbo diin P8.6 milyones na ang kadaot niini gikan sa 1,528 ka mga mag-uuma.

Makita usab nga halapad ang kadaot nga nasinati sa 1,755 ka mag-uuma sa Negros Oriental sa ilang kahumayan diin natala na nga anaa sa P24.7 milyones ang danyos.

Samtang ang mga kamaisan sa 2,474 ka mga mag-uuma, niabot na sa P5.7 milyones ang danyos sa kadaot niini.

Kon sumahon anaa pa lang sa P15.8 milyones ang kadaot sa agrikultura sa Sugbo, P39.6 milyones sa Negros Oriental, P102.5 milyones sa Bohol ug P1.5 milyones sa Siquijor.

Lakip sa lungsod ug dakbayan nga apektado sa Sugbo mao ang Balamban, Asturias, Tuburan, Sibonga, Carcar, Bogo, Badian, Moalboal, Daanbantayan, San Remigio, Pilar, Alcantara, Naga ug Dalaguete.

Saa Bohol, apektado ang Buenavista, Jagna, Batuan, Carmen, Alicia, Getafe, Bilar, Duero, Mabini, Bien Unido, Calape, Dagohoy, Balilihan, Sagbayan, Antequera, Garcia Hernandez, Danao, ug Trinidad.

Matod sa regional director sa DA 7 Atty. Salvador Diputado, kini pa ang ilang validated nga mga resulta base na usab sa ilahang aktual nga obserbasyon ginaminatan sa ilang makabag-o nga teknolohiya susama sa drone.

Nipahibawo ang Pagasa nga molungtad sa Oktubre ang El Niño phenomenon. (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph