SUPERBALITA CEBU

Davide gusto sa committee on health

KON si vice governor-elect ug outgoing Governor Hilario Davide III ang paplion, gusto niini nga ang committee on health ang iyang hawiran sa higayon nga moasumir na ang bag-ong mga molangkob sa Cebu Provincial Board.

Sumala niini, gusto niya nga matutokan ang paghatag og health care services ngadto sa mga molupyo sa lalawigan sa Sugbo.

Apan makigsabot pa siya sa iyang mga kauban sa PB sanglit nasayod kini nga daghan usab ang interesado sa maong komitiba.

Matod niya, iyang giestudyohan kon unsa nga mga ordinansahon ang iyang iduso tungod sa kadaghan na sa mga ordinansa nga napalabang na sa board ug iya kini ipa-review sa iyang giumol nga team.

Isip bag-ong presiding officer sa PB, makigtigom si Davide sa reelected ug bag-ong nidaog nga mga board member karong Hunyo 10.

Una sa ilang agenda ang rules and procedures sa pagpahigayon og mga session kay giingnan kini ni PB Secretary Pulchra Acevedo nga sa matag termino “mag-review sa rules, what needs changing, what needs amending. Kay i-adopt man na sa house for this term.”

Sa umaabot nga ika-15 nga Sangguniang Panlalawigan sa Sugbo, langkoban gihapon kini og 17 ka mga miyembro, apil ang 14 ka mga representante nga tag duha sa matag usa sa kinatibuk-ang pito ka distrito.

Adunay 10 ka reelected nga sila si: PB Members Yolanda Daan ug Raul Bacaltos sa unang distrito, Edsel Galeos ug Jose Mari Salvador sa ikaduhang distrito, Victoria Corominas-Toribio sa ikatulong distrito, Horacio Paul Franco sa ikaupat nga distrito, Miguel Antonio Magpale sa ikalimang distrito, Thadeo Jovito Ouano sa ikaunom nga distrito ug Jerome Christian Librando ug Christopher Baricuatro sa ikapitong distrito.

Samtang upat ang mga bag-o mao sila si: John Ismael Borgonia sa ikatulong distrito, Kerrie Keane Shimura sa ikaupat nga distrito ug asawa ni outgoing PB Member Sun Shimura nga nidaog pagka mayor sa lungsod sa Daanbantayan, Andrei Duterte sa ikalimang distrito ug Glenn Soco sa ikaunom nga distrito.

Sila si Daan ug Bacaltos kay mga miyembro sa Nacionalista Party. Samtang sila si Galeos, Borgonia, Duterte, Ouano ug Soco kay mga miyembro sa One Cebu-Partido Demokratiko Pilipino-Lakas ng Bayan (PDP-Laban). Si Kerrie kay miyembro sa National Unity Party.

Ang maong mga bokal kay mga kaalyado ni governor-elect ug outgoing Rep. Gwen Garcia (3rd district).

Samtang sila si Salvador, Librando ug Baricuatro kay mga NPC. Apan sa wala pa ang piniliay, nibali si Baricuatro sanglit ang amahan niini maoy kandidato pagka mayor sa PDP Laban/One Cebu. Si Franco kay Liberal Party. Si Magpale kay Barug Alang sa Kauswagan ug Demokrasya (Bakud) party. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph