SECTIONS
Thursday, June 27, 2019
SUPERBALITA CEBU

Barrita: Di mga rubber stamp

Tikdul-tikdol

GIPROKLAMAR sa Commission on Elections niadtong Miyerkoles, Mayo 22, ang mga mananaog nga kandidato sa pagkasenador. Ang topnotcher mao si Senador Cynthia Villar nga nakakuhag 25,283,727 botos, samtang nagsunod ang nasublian nga independenting kandidato nga si Senador Grace Poe nga nakakuhag 22,029,788 botos.

Gisundan sila sa sinaligan ni Presidente Rodrigo Duterte nga si Bong Go, kanhi senador Pia Cayetano, kanhi Philippine National Police chief Bato dela Rosa, Senador Sonny Angara, kanhi senador Lito Lapid, Imee Marcos, Francis Tolentino, Senador Koko Pimentel, kanhi senador Bong Revilla ug Senador Nancy Binay.

Nilang tanan, ang mga brand new nga mga senador mao sila Bong Go, Bato dela Rosa, Imee Marcos ug Francis Tolentino. Si Marcos anak ni kanhi Presidente Ferdinand Marcos, samtang si Tolentino usa ka kanhi political affairs adviser ni Presidente Duterte.

•••

Kasagaran sa mga midaog sa pagkasnador mga alyado sa pangulo. Ang mga kandidato sa Otso Deretso nilahos sa pagkapildi. Apan unsa kahay mahitabo sa Senado karon nga ang mayoriya mga alyado sa pamuno nasud?

Si Senator-elect Tolentino niingon nga wa kini magpasabot nga ang Senado mahimong rubber stamp sa Malacanang. “The Senate should always be viewed as an institution,” matod pa niya.

Samtang si Senator-elect Imee Marcos niingon nga wa siya magtuo nga ang bag-ong Senado mosunod lang sa unsay gusto sa Malacanang. “There are a lot of us who are stubborn, including me. Also, there are independent senators, who we can’t say that are with the administration,” matod pa ni Marcos.

•••

Madayon na kaha ang planio sa pag-usab sa sistema sa gobyerno ngadto sa pederalismo? Si Senator-elect Bong Go niingon nga ang maong plano usa ka “long shot” ug kinahanglan pang edukahon ang katawhan sa mga benepisyo niini.

Sa pagkakaron, ang lagmit unang buhaton sa mga bag-ong napili nga mga senador mao ang pagkuha og mga komitiba sa Senado. Unsa kaha ang komtiba ni Senator-elect Bong Revilla? Duna bay “buduts-buduts” committee sa Senado?

Ang klaro nga ang mga mananaog mga popular nga mga kandidato. Sila si Go, dela Rosa ug Tolentino nakabenepisyo sa pag-endorso kanila sa pangulo. Si Revilla ug Lapid popular kay mga aktor.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph