SUPERBALITA CEBU

Editoryal: Mawad-ag pagsalig

Editorial Cartoon by John Gilbert Manantan

NING semanaha, tulo ka mga tawo ang gipamusil patay. Sa Lunes sa gabii, sunodsunod nga gipamusil ang duha ka mga lalake nga giingong mga badlungon sa downtown sa Dakbayan sa Sugbo. Naggintang lang og pipila ka minutos ang pagpusil kanila. Pagsubay sa kapulisan sa background sa duha, pulos kini badlungon sa dapit.

Niadtong Martes sa hapon, gipusil patay sa upat ka mga tawo nga riding in tandem si Police Captain Delfin Bontuyan nga duol ra sa Mabolo Police Station. Usa lang ka pagtabok, naa na ang buhatan sa kapulisan.

Kini ang kutay lang sa mga pagpatay dinhi sa Metro Cebu nga nangahitabo.

Nakaamgo ba kaha ang mga pulis nga matag krimen nga mahitabo, maayo o bati man og record ang biktima, sagpa kini nila. Matibhangan ang pagsalig sa katawhan sa kapulisan tungod sa wa pagkasulbad sa kadaghan sa mga pagpatay.

Tinuod dunay moingon nga kon di ka dautan, di angay mahadlok. Apan ang bala moila ba og tawo nga way labot?

Maghatag usab kini og bati nga impression sa kagamhanan kay matan-aw man kini nga nagtugot sa pagkumkom sa balaud ug pagpanglaktaw sa legal nga proseso nga maoy pundasyon unta sa usa ka demokratikanhong sistema. Okay ra diay nga kumkumon ug laktawan ang balaud?

Maghatag na hinuon kini og tumang kahadlok sa ordinaryong mga tawo kay bisan asang dapita, bisan duol pa og police station, kaya ra sa mga kriminal nga mopatay.

Kon nahimo kini duol sa police station ug sa mga dapit nga daghang mga tawo, nagpasabot nga sayon ra ang pagbuhat sa krimen bisan pa sa gipasiatab nga pagpakatap sa mga pulis sa kadalanan. Mahug nang way kapuslanan ang mao nga lakang.

Bisan tingali mayoriya karon mituo aning luwas ka basta di dautan, apan magkadugay ang pagsalig sa katawhan sa kapulisan magkatun-as kon way puas ang mga krimen.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph