SUPERBALITA CEBU

Ormoc andam na sa piyesta ni San Pedro, San Pablo

LEYTE. Ormoc City Mayor Richard Gomez misaad nga mas bibo nga pista ang masaksihan sa katawhan sa dakbayan. (John Kevin D. Pilapil)

ORMOC CITY, Leyte-- Andam na ang dakbayan sa Ormoc sa pagsaulog sa kapistahan ni San Pedro ug San Pablo sa Hunyo 29, 2019.

Mismo si Ormoc City Mayor Richard Gomez ang misaad nga mas bibo pa nga pista ang masaksihan sa katawhan.

Dugang ni Mayor Gomez nga dunay pundo nga muabot P22 million ang tanan nga aktibidad alang sa pista.

Apan ang pundo dili lang gikan sa local government unit, gikan usab sa gihimo nga mga fund raising activities sa Dakbayan sa Ormoc Fiesta Executive Committee.

Usa sa pinaka atangan ang Piña Festival nga ipahigayon sa Hunyo 23, diin ang street dance mag sugod sa alas 3 sa hapon samtang ang ritual showdown ipahigayon sa city plaza alas 6 sa gabie.

Abli ang Fiesta Executive Committee sa posibilidad nga dili lang mga tunghaan sa Ormoc ang paapilon kundi lakip na ang ubang tunghaan sa kwatro distrito sa Leyte.

Gawas sa Piña Festival, labing atangan usab ang Miss Ormoc sa Hunyo 28, diin P100,000 ang premyo sa palarang mo daug.

Una pa ang Piña Festival ug Miss Ormoc, ipahigayon usa ang Parade of Lights sa Hunyo 15 sa alas 6 sa gabie kahuman sa press conference ug presentation sa Miss Ormoc 2019 sa Robinsons Place.

Sa Parade of Lights ipakita ang mga floats nga napuno sa mga de kolor nga mga suga diin duna kini tema nga “Storyland.”

Mahuman ang Parade of Lights sa City Plaza diin nahimutang usab ang Food Bazaar ug ubang nightly activities.

Ang Civic Society Organization nihimo usab og mga trade fair, shows, sectoral fiesta celebrations ug duna usab daghang sports tournament.

Sa petsa 28 sa udto ang fluvial parade ni San Pedro ug San Pablo ug pagka alas 7 sa gabie ang search for Miss Ormoc 2019.

Samtang sa petsa 29, alas 9:30 sa buntag ang Pontifical Mass sa Sts. Peter and Paul Parish ug sa alas 6 sa gabie ang culminating concern uban ni Bamboo sa plaza nga sundan og fireworks display.

Tungod niini gilauman nga mas daghan nga mga tawo ang mo bisita sa Dakabayan sa Ormoc.

Matod ni Mayor Gomez, kung sa miaging tuig mikabat sa kapin 700,000 ang mga tawo nga nidagsa sa Dakbayan sa Ormoc.

Karong tuiga, gilauman nga naa sa kapin usa ka milyon ang mo dagsa.

Dugang ni Gomez, ang Police Regional Office-Eastern Visayas mopadala og dugang pulis sa Ormoc ingon man ang Philippine Army. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph