DILI pa makaduwa og balik si Kevin Durant alang sa Golden State Warriors sa Game 1 sa 2019 National Basketball Association (NBA) nga gikatakda karong Mayo 31.
Ang kanhi MVP ug 2-time Finals MVP wala pa nakaapil sa praktis sa Warriors gumikan kay padayon pa kining nagpaalim sa angol sa iyang tiil.
Gipasabot ni Warriors coach Steve Kerr nga wala pa’y kaseguroan kon kanus-a makabalik si Durant apan malaumon siyang mahitabo kini nga dili pa mahuman ang NBA Finals.
Ang laing pambato sa Warriors nga si DeMarcus Cousins gituohang makabalik na’g duwa sa pagsugod sa NBA Finals.
Miapil na og praktis sa Warriors si Cousins kagahapon ug nagpakita kini’g senyales nga andam na kining mobalik og duwa. (AP, ESL)