NANGHINAOT si World Boxing Association (WBA) welterweight champion Manny Pacquiao nga barugan ni American Keith Thurman ang bahad niini nga paretiruhon ang Pambansang Kamao ng Pilipinas pinaagi sa brutal nga knockout karong Hulyo 20 sa MGM Grand sa Las Vegas.
Matod ni Pacquiao nga iyang gipili si Thurman nga kontrahon gumikan sa agresibo niining estilo nga seguradong makahatag og saktong lingaw sa katawhan.
Gusto ni Pacquiao nga kon unsa’y gipamatbat ni Thurman, iya kining ipakita sa lihok alang sa katagbawan sa mga sumosunod sa boksing sa tibuok kalibutan.
“It’s easy for my opponents to talk before the fight, and I’m used to everything they say. But when we get to the ring, it changes, and it will change on July 20,” matod ni Pacquiao sa interbyu sa www.boxingscene.com.
Sa ilang panagharong, suwayan og ilog ni Pacquiao ang WBA welterweight ‘super world’ nga bersyon nga gipanag-iya ni Thurman.
“He said he’s young, but we’ll see who looks young in the ring on July 20. I’m going to let my fists say everything for me. We will work hard in training camp like always for this fight,” dugang sa fighting senator sa Pilipinas. (ESL)