HELLO, friends!!! Kumusta ang atong panud-an? Bitaw, sa gihapon, dungog ug himaya alang sa Diyos nga Makagagahum kay buhi pa kita karon- hallelujah!!!
Niadtong Dominggo sa kaadlawon pa nagsuka-kalibang ning inyong higala (excuse sa mga nagakaon now). Dili gayud lalim magkasakit no kay bisan ang panlasa nato- apektado, kaon pa naman ang nahibilin nakong bisyo hu hu!
Nagtuo ko nga nabikil sa pagkaon ang akong tiyan plus napanuhotan mao nagpahilot ug nagtumar sa nailhang mga tambal. Ning suyop gayud ko’g daghang “hydrite,” kay dili ko gusto maadmit sa ospital kay i-dextrose plus gasto kaayo hu hu!
Intawon, makamatay gayud ang “dehydaration” o pagkauga sa tubig sa atong mga kaugatan mao dili magpinataka, inahan.
Tungod kaila kita sa atong mga kalawasan, daw “MD” o “Morag Doktor” pod atong pamati. Nag-obserba, nag-imbestiga, nangita’g alibyo ug pina-live adto sa laboratoryo aron sayron ang tinuod nga mulo sa lawas ko.
Base sa akong pag-analisa ug sugyot sa friends nga doktor sa mata ko moadto kay lagi malipong ug mosuka naman ko moatubang sa kompyuter, migo. Naundang intawon pina-live ang pamugas nako.
Gigamitan ko’g nagkadaiyang instrumento sa doktor apan matud niya, “healthy and beautiful” pa ang akong mata. Wala pod daw koneksiyon sa akong mata ang akong gipangamulo sa kalawasan. Iyang sugyot nga adto ko sa doktor nga internal medicine ang specialization.
Ang resulta- aduna koy “slight anemia.” Na-anemic kuno ning inyong miga. Kasagaran daw kini sa mga babaye inig kahuman sa ilang monthly... period.
Unya naa daw poy pagtaas sa akong “sugar” apan dili ko “sweet.”
See??? Lahi gayud nga mokonsulta kita sa eksperto aron dili mabutang sa alanganin ang panglawas nato. Gasto god apan kung magtinihik kita- budlay kaayo, higala.
Ang sakit sa kalawasan nindot usahay nga pahinumdom nga kita “huyang.” Lima ka adlaw asukar ra akong sud-an kay mao ray dawaton sa akong ginhawaan.
Kung nindot ang imong paminsar- pasalamati si Lord kay dili gayud lalim ang magkasakit.