Jail guards naliba sa priso

PIKIT, North Cotabato -- Usa ka priso nga padulong ihatud sa korte nakaipsot sa mga pulis nga nagbantay kaniya, 10:05 sa buntag, Huwebes, Mayo 23.

Ang pugante nailhan nga si Amil Dalandas, priso sa Cotabato Provincial Jail sa Barangay Amas, Kidapawan City tungod sa kasong pagpatay.

Sumala kang Pikit chief of police Major Mautin Pangandigan nga sakay sa mobile car sa Bureau of Jail Management and Penology (BJMP) si Dalandas gikan sa Kidapawan City paingon sa Midsayap aron unta i-presenta sa korte.

Apan pag-abot nila sa Barangay Takepan, Pikit, nihangyo ang priso nga mangihi daplin sa National Highway.

Sa diha nga nalipat ang mga sakop sa BJMP, mikaratil kini og dagan paingon sa kalibunan ug kalit nga nahanaw.

Gisulayan pa sa mga jail guard sa BJMP ug mga pulis nga pangitaon si Dalandas apan wala na nila kini makaplagi.

Padayon ang paglutos sa mga awtoridad batok sa nahisgutang pugante. (Edgar E. Fuerzas)