SECTIONS
Monday, September 23, 2019
SUPERBALITA CEBU

Albor: Daynastiya walay ngipon

Sandiganan

BATAKANG balaod sa 1987 nagdili sa political dynasty. Apan walay ngipon lagos ra kay wala molihok ang kongreso pagpanday og resolusyon nga ipatuman. Walay magbabalaod nga mangahas pagtandog kay politiko man ang pamilya ug pillion man ilabina kon maayo moserbisyo. Itugyan na lang sa mabuot nga pumipili. Kon politiko god ang mga ginikanan mosunod ang mga anak, apo ug kaliwat.

Sama ra sa mga Royal Blood maoy mohulip ang anak isip prinsesa ug prinsepe. Kadto bitawng mga apostoles polos man to paryente o kabanay ni Kristo. Sa derby usab mao man gyoy isalmot ang kaliwat sa manok nga mamulang. Busa dili angayng lalison kon walay ngipon ang Anti-Dynasty Law. Hinuon, mahinungdanon nga ibalik ang two-party system aron maminosan ang dynastiya, klaro nga magrepresentar sa mayoriya ang modaog ug pulos banggiitan ang magbangga sanglit pinili sa konbensyon sa partido. Wala sab gihapoy ngipon ang balaod sa nepotismo nga gidili ang paghatag og pabor sa kaliwat nga makatrabaho kay dili man gyod mawagtang ang palakasay sa gobyerno. Mao nay giingon nga weather-weather lang.

Panahon ni Pres. Ferdinand Marcos napiling Metro Manila governor si First Lady Imelda Marcos, nangulo sa Kabataang Barangay ang anak nga si Imee ug laing anak nga si Ilocos Norte Gov. Bongbong Marcos.

Sa panahon ni Pres. Cory Aquino nahimong Kamag-anak Inc. nga sila si Tarlac Rep. Peping Cojuangco ug kapikas Tarlac Gov. Tingting Cojuangco, mga igsoon sila si Rep. Tessie Aquino-Oreta ug Sen. Butz Aquino

Sa panahon ni Pres. Fidel Ramos, diha ang igsuon nga si Sen. Letecia Ramos-Shahani ug anak sa senadora Pangasinan Rep. Ranjit Shahani.

Ubos ni Pres. Joseph Estrada, napiling senador ang First Lady Dra. Loi Estrada, mga anak Sen. Jinggoy Estrada ug JV Ejercito nga miagi og mayor sa San Juan.

Sa administrasyon ni Pres. Gloria Arroyo, nakongresista ang duha ka mga anak sila Mikey Arroyo ug Dato Arroyo, kongresista usab ang brother-in-law Iggy Arroyo. Panahon ni Pres. Noynoy Aquino walay daynastiya.

Karon ubos ni Pres. Rodrigo Duterte, ang iyang anak Sara Duterte-Carpio nagpasubli pagka mayor sa Davao, bise mayor si Baste Duterte ug nagkongresista si Polong Duterte.

Sa dakbayan sa Sugbo dunay daynastiya sa mga Osmeña ug Rama ingon man sa lalawigan sa Sugbo sa mga Gullas, Reluya, Chiong, Apura, Bacaltos, Calderon, Garcia, Diamante, Moreno, Binghay, Gerona, Shimura, dela Fuente, Espinosa, Martinez, Frasco, Quiño, Streegan, Rama, Arquillano, Alegado, Sitoy, Ouano, Gica, Creus ug Magallon. Sa kinatibuk-an moabot kini og 25 ka local government units (LGU) sa Sugbo. (csa_1156@yahoo.com/09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph