NAGPAGAWAS og advisory ang Securities and Exchange Commission (SEC) nga giisyu Biyernes, Mayo 24, batok sa pag-invest sa Rigen Marketing gumikan alegasyon nga nahulog na kining usa ka dako nga pagpangilad kun “fraudulent investment scheme”.
“The public is hereby advised to exercise caution in investing their money in these types of schemes which may also turn out to be fraudulent investment schemes, involving the sale of unregistered securities,” saysay sa natala sa advisory.
Giingon nga ang SEC nakadawat og mga impormasyon nga dunay mga indibiduwal ug mga grupo kinsa nagpaila nga sila taga Rigen Marketing nga nagdani sa publiko aron nga mo-invest niini nga money investment pinaagi sa walk-in solicitations, kun nagpasalig nga sila ang mokuha sa salapi aron i-register ngadto sa Rigen.
Sayo niini, ang komisyon nag-isyu sa susama niini nga advisory ug pipila ka adlaw migula ang cease and desist order (CDO) batok sa Kapa (Kabus Padatoon)-Community Ministry International, Inc. gumikan nagkatag ang mga tawo nga nangdani sa publiko nga mo-invest sa Kapa.
Ang Rigen usa ka giingong kompanya nga nakabase sa Tagum City, nga karon midako sa ilang pag-abli og mga sangang buhatan sa mga probinsya sama sa Davao Oriental, Occidental, Davao del Sur, General Santos City, ug mga kasilinganang dapit ning rehiyon nga nagpasalig sa doble-doble nga tubo sa salapi.
Giingon nga kini nga mga patigayon nakiglambigit sa ilang soliciting investments ug nagpasalig sa publiko nga mabalik ang ilang kapital subay sa 400 percent sud sa 30 ka adlaw diin sila suma pa ang mga “Big Players” sa forex ug crypto-currency trading ug giingong lisensyado ngadto sa nasud Singapore.
“Where the scheme involves the sale of securities to the public, SRC requires that the issuing person and or entity must be a registered corporation with SEC, the said securities offered are duly registered and that the appropriate license and or permit to sell securities to the public are issued to the corporation and or its agents, pursuant to the provisions of section 8 and 28 of the SRC,” dugang sa advisory.
Dugang niini, gipasabot sa SEC nga kung kinsa man ang mga mareklamo ug madakpan nga mga tawo nga midani sa publiko aron moapil niini nga mga investment schemes dunay pagatubagon sa balaud kinsa mapriso sud sa 21 ka mga tuig ubos sa Section 28 sa SRC ug makamulta og P5 million ubos sa Section 73 sa SRC.
“Those who act as salesman, brokers or agents of Rigen in selling or convincing people to invest scheme being offered, including solicitations or recruitment may likewise be prosecuted,” giingon sa advisory.
Dugang pa niini, “Likewise, those who sell or offer securities to the public, may be held criminally liable or accordingly, sanctioned or penalized pursuant to the Supreme Court Decision in the case of Securities and Exchange Commission (Sec) vs. Oudine Santos (G.R. No. 195542, 19 March 2014).”
Luyo niining daw mga uhong nga bisan asa nalang nanurok nga mga money investment schemes, ang SEC nag-awhag sa katawhan nga mosumbog kanila sa mga problema nga ilang nasinati diin mamahimo silang mokontak sa Enforcement and Investor Protection Department sa telephone number (02)818-6337 ug (02)818-5324.