SECTIONS
Sunday, June 16, 2019
SUPERBALITA CEBU

Binghay: Kanus-a mobiya sa nagtinga nga relasyon

Kukabildo

SAMA sa kasagarang mga nobela o pelikula, di tanan dunay happy ending. Mao sab kini mahitabo kung maghisgot og relasyon, kasagaran happy ending apan di kalikayan duna say puno sa kasakit, kaguol og pagmahay.

Kon magpabilin man ugali og antos bisag nagtinga na ang relasyon, sama ra kini nga nagsegi gihapon og bubo sa nalawos na nga buwak.

Kung ang usa ka relasyon mahuman na, di na kini angay pang lingi-on ug balikan. Bisag unsa pa ka sakit ang nahi-aguman, padayon lang sa pagtadlas sa imong padungan nga bag-ong agi-anan.

Sayod kita nga way panagbuwag, ma magti-ayon man o uyab, nga fairy tale og ending kay kita tanan maka-agi man og daghang mga pagsuway, kasakit og sakripisyo. Kadtong uban nga labihang nasakitan, natagam og nahadlok na nga makipag-relasyon o minyo kay naglisod og move-on.

Diay mga timailhan nga nagtinga na ang imong relasyon unya angay nang buhian matod ni Jey Shetty, usa ka vlogger ug motivational speaker gikan sa United Kingdom:

Magsegi gali og balik-balik paghinuklog ug hisgot sa iyang mga kanhing ka relasyon, kasinatian o kagahapon imbis magpanday og bag-ong pangandoy uban nimo angay na kining buhian. Di na angay ihanduraw sa imong atubangan ang iyang mga nangaging karelasyon.

Sunod, lain-lain mo og damgo, padungan ug agi-anan. Kung wa moy kumon nga direksyon unya nag-iya iya na lang og lakaw, paingon kini sa di pagkasinabot hangtod managbuwag.

Kusog mamantay sa imong mga lakaw ug lihok unya wa na hinuon kaqy kagawasan para sa imong mga gustong buhaton ug lakwon. Tataw kayo nga kuwang kini sa pagsalig unya siya ra pirmi ang gustong matuman.

Busa sa sayo pa, ayaw ipamugos imong kaugalingon kay kung ang imong nagustuhan way gugma balik diha nimo, dunay laing nanag-iya sa iyang kasing-kasing maong buhi-an kini samtang sayo pa kay pilay pad dunay laing gitagana ang kahitas-an para nimo nga mas labaw pang mo pangga og makigduyog sa imong kalipay ug kasakit hangtod sa imong katiguwangon.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!