MOSUWAY ang host Toronto Raptors pagtaak sa National Basketball Association (NBA) Finals sa labing unang higayon sa ilang pagpakigbatok sa Milwaukee Bucks sa Game 6 sa Eastern Conference finals series sugod karong alas 8:30 sa buntag (RP time).
Human sila nasugamak sa sunodsunod nga kapildihan sa nag-unang duha ka mga duwa sa best-of-seven series, ang Raptors ningbangon ug misagunson kini’g daog sa nagsunod tulo ka mga duwa aron pagposte og 3-2 nga bintaha sa series.
Ang kadaugan karon sa Raptors mao ang makahatag kanila og oportunidad sa pagpakigbatok sa naghuwat nga back-to-back defending champion Golden State Warriors.
Apan labing seguro, ipagawas sa Bucks ang tanan nilang ikabuga aron mapugngan ang Raptors sa tinguha niini ug makapugos og deciding Game 7 nga kombatihon sa ilang korte kon mahitabo.
Nasayod ang Raptors niini.
“Listen, this is a great team we’re playing,” pasabot ni Raptors coach Nick Nurse. “They are really good and deep and athletic and long and all kinds of stuff. This was a super hard win (Thursday), super hard. And we have to play with a tremendous amount of effort.”
Gitataw ni Nurse nga kinahanglang mohapsay ang dagan sa ilang opensa ug depensa unya malimitahan ang ilang turnovers aron makompleto nila ang ilang pagpalagpot sa Bucks nga maoy No.1 team sa regular season.
“If we can score it, if we can take care of it, we can get our defense set up, for the most part we get down and guard them and make the shots a lot tougher. We have to rebound the basketball. They’re a great rebounding team,” dugang ni Nurse.
Ang Bucks masaligon nga masugakod nila kining maong tahas.
“I’m (ticked), I’m not going to lie to you,” matod sa labing sinaligan sa Bucks nga si Giannis Antetokounmpo.
“We’ve got two more games to go and we can do this... We’re the best team in the league, man. We’re not going to fold. We’re going to go and give everything we’ve got.”
Ang pambato sa Raptors nga si Kawhi Leonard nga nakapabor sila ning maong panagparang gumikan kay mas taas ang ilang kasinatian sa playoffs ug sa krusyal nga mga duwa sama niini.
“Experience helps a lot,” pasabot ni Leonard. “You know, just from my input, I’ve been here before. I’ve been to the finals, and it’s pretty much nothing new that I’m seeing out there.” (Reuters)