NAHILAKIP ang Fil-Am nga si Jalen Green sa 34-man United States national pool alang sa Fiba Under-19 Basketball World Cup 2019 sa Greece nga gikatakda karong Hunyo 29 hangtod Hulyo 7.
Nakakuha si Green og puwesto sa national pool human siya nahimong MVP sa 2017 Fiba Under-17 World Cup.
Ang training camp sugdan karong Hunyo 15 sa US Olympic Training Center sa Colorado Springs.
Si USA head coach Bruce Weber mobutyag sa madala sa final 12 karong Hunyo 18.
“The (USA Basketball Men’s Junior National Team Committee) is excited at the level of talent that will be at training camp for the USA U19 World Cup Team, and we expect to have a difficult decision in trying to narrow down the group to 12 team members,” asoy ni committee chairman Matt Painter.
Ang 17 anyos nga si Green, kinsa adunay Pinay nga inahan, nakaduwa na dinhi sa nasod sa NBTC.
Usa si Green sa nasigpatan sa basketball leaders sa Pilipinas nga kuhaon aron moduwa sa RP national team sa ugma damlag. (ESL)