MOLARGA si International Boxing Federation (IBF) super flyweight king Jerwin Ancajas paingon sa Macau sa sunod semana aron dawaton ang Jersey Joe Walcott Award, ang labing dako nga pasidungog nga ihatag sa IBF ngadto sa mga boksidor.
Napili si Ancajas nga hatagan ning maong pasidungog gumikan sa iyang pito ka sunodsunod nga malampusong pagdepensa sa iyang korona.
“Dati pangarap ko lang ang mabigyan ng mga award. Sobrang saya ko kasi nari-realize ko na ang resulta ng mga paghihirap ko,” matod ni Ancajas sa interbyu sa ABS-CBN News.
Ang awarding ipahigayon atol sa 36th IBF annual convention sa Wynn Palace Cotai karong Mayo 30.
Isip pagsaulog sa iyang kalampusan, si Ancajas nag-organisar og fun run nga ipahigayon karong Mayo 25 sa lunsgod sa Magallanes, Cavite.
“Marami din kasing lumalapit sa amin para humingi ng tulong. Kaya may nag-suggest na mag-organize ng run for a cause para may maitulong kami,” pasabot ni Ancajas. (ESL)