SUPERBALITA CEBU

Mongaya: Baga sab og lepz si Cardema

Panahom

NGANONG nahimong “lepz” man ang spelling, boss Anol? Di ba “lips” imong buot gipasabot? Ah, nagbitay na man gud sa kayaya tungod sa kabaga sa kubal. Ingon ana kabaga ang akong na-imagine sa ngabil ni Ronald Cardema. Yaw na lang pangutana kabahin sa nawong.

Nakasulti ko niini tungod kay iyang gibastos pagmaayo ang atong piliay ug ang party-list system sa nasud.

Una, wa dayon siya moluwat sa iyang pagka-chairman sa National Youth Commisson (NYC) sa panahon nga nangampanya ang iyang asawa nga first nominee sa Duterte Youth party list.

Ikaduha, sa Mayo 12 kun Dominggo nga Bisperas sa piliay sa Mayo 13, ni-file kini si Cardema og substitution kay niatras pagka nominee ang iyang misis.

Ikatulo, sa edad nga 33, di na man youth kini si Cardema. Apan miinsister gyud nga youth pa siya.

Ikaupat, wa pa gani madesisyoni ang iyang substitution kay iya nang gitawag ang iyang kaugalingon nga congressman kay nakadaog na ang Duterte Youth isip party list group.

Bisan pa man, wala pa makadesisyon ang Commission on Elections (Comelec) sa kapin sa 10 ka mga petition batok sa maong substitution.

Nagpakaulaw man lang sa Comelec kon igo lang kining mo-aprub sa substitution kay nabuhat sa wala pa ang piliay.

Kon baga og lepz si Cardema, unsa na kaha ang nawong?

INIT PA

Mas maayong mag-inisyatiba na ang publiko nga manglimpyo sa palibot, labi na sa mga kanal ug kasapaan dinhi sa Metro Cebu samtang init pa ug walay ulan.

Nagkaistorya mi karong bag-o sa usa ka manager og water coop didto sa habagatang bahin sa Sugbo ug nagkanayon siya nga karong ting-init mao ang labing maayong panahon alang sa paglimpyo sa drainage system dinhi sa Metro Cebu.

Manghinaot ko nga lakip unya kini sa maistoryahan nilang mayor-elect Edgar Labella ug governor-elect Gwen Garcia kining kabahin sa drainage, baha, ug supply sa tubig sa Metro Cebu.

Bisan pa man, manghinaot ko nga moinisyatiba mismo ang civil society dinhi sa Metro Cebu ug dili na maghulat sa mga bag-ong napili nga mga opisyal.

Alang kanako man gud, ang mga outgoing nga opisyal mas mo-concentrate sa transition gikan sa ilang pangagamhanan ngadto sa sunod.

Ug kon maghulat kita sa incoming officials, kadugay pa niadtong Hunyo.

Bisan pa man og madugay pa mobalik ang ting-ulan tungod niining giingong mild El Niño, makalarga na man kining mga river cleanup drives bisan og walay suporta sa local nga kagamhanan.

Ang importante nga di masayang ang ting-init. Hinanggaw na man sab kon mohulat kita sa ting-ulan usa pa manglimpyog mga kanal ug sapa. (@anol_cebu sa Twitter)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph