SECTIONS
Tuesday, June 18, 2019
SUPERBALITA CEBU

93-1, trapiko, baha tutokan

SA labing unang higayon human sa Mayo 13 nga eleksyon, ang bag-ong nangapili nga mga opisyal sa Lalawigan sa Sugbo ug Siyudad sa Sugbo naghiusa “to make life better (himuong maayo ang kinabuhi)” sa mga Sugboanon.

Uban sa ilang bag-ong nangapili ug nasublian nga kaubanan ug ni Presidential Assistant for the Visayas Michael Dino, sila si incoming Governor ug outgoing third district Rep. Gwendolyn “Gwen” Garcia, ug incoming Cebu City Mayor ug outgoing Vice Mayor Edgardo Labella nagtagbo alang sa unity ug solidarity sa Sabado, Mayo 25, sa Grand Convention Center.

Gawas sa pagtuki sa “borderless” solutions sa dugay nang mga problema sa trapiko, basura ug baha, ang bag-ong mga opisyal naghisgot sa mga isyu ug posibleng mga transaksyon tali sa Cebu City Government ug Provincial Government.

Nag-una sa listahan mao ang land swap deal ug proposed Ciudad project.

Sa usa ka press conference human sa closed door meeting, si Labella nisulti sa mga reporter nga ang land swap deal kalabot sa 93-1 usa sa ilang importanteng gituki.

“In fact, it was one of the first (topics) we discussed,” matod ni Labella.

Si Labella nidugang nga way problema sa Konseho sa Siyudad kay ang kasabutan napirmahan na man. Si Garcia, sa iyang bahin, niingon nga gusto siya nga ang Kapitolyo dunay represenstasyon ug makiglingkod tali sa Kagamhanan sa Siyudad aron kini tukion.

“The important thing is, now we can sit together. Immediately, we wi form a committee with a representation from the Province, most especially our future chairman of the committee on provincial properties, with a counterpart from the City Council, with representation also from both our legal offices,” siya niingon.

Pinaagi sa komitiba, matod ni Garcia nga mapahigayon ang imbentaryo sa mga residente ug mga lote sa 93-1, ug uban pa.

“Just allow us the opprtunity to look into the entire transaction and we may be able to discuss this with the new Provincial Board (PB), of course, so that we can arrange it and make it in order,” siya niingon.

Human sa dul-an 30 ka mga tuig, ang Cebu City Hall ug Kapitolyo ningpirma og Deed of Donation and Acceptance sa mga lote nga nasulod sa 93-1.

Sila si outgoing Mayor Tomas Osmeña, ug incoming vice governor ug outgoing Gov. Hilario Davide III ningpirma sa mga dokumento niadtong Agusto 3, 2018.

Kapin sa 5,000 ka mga residente nga nagpuyo sa 11 ka mga barangay sa Siyudad sa Sugbo ang makapahimus sa kasabutan.

Ang mga residente nagpuyo sa mga lote sa Kapitolyo nga gipangdeklarar nga socialized housing sites ubos sa Provincial Ordinance 93-1.

Niadtong Disyembre sa 2016, sila si Osmeña ug Davide ningpirma og memorandum of agreement (MOA) sa land swap deal tali sa Siyudad ug Lalawigan.

Base sa MOA, ang Lalawigan mohatag sa Siyudad og 32 ka mga hektarya sa mga lote nga naa sa mga barangay, nga sagad gipang-ukopar sa urban poor settlers.

Motugyan usab kini sa Siyudad sa 1.5 hektaryas nga naa sa Department of Agriculture compound sa M. Velez St.; 2,358 square meters sa Gorordo Ave. sa Barangay Lahug; ug 577 square meters sa Don Gil Garcia St. sa Barangay Capitol Site.

Isip bugti, ang Siyudad nitanyag og 2.5 hektarya nga lote sa South Road Properties.

Nagduso usab kini sa pagtugyan ngadto sa Probinsya sa 3.3-hectare block likod sa SM City sa Barangay Mabolo; 2.5-hectare botanical garden likod sa SM Seaside sa SRP; siyam ka hektarya sa Barangay Pulpogan, Consolacion; ug 1.37 hektarya nga lote diin naa ang septage treatment plant lot; ug 2,476-square-meter nga lote diin na nagbarog ang city abattoir.

Ang kasabutan naglakip usab sa pagtugyan og balik sa Siyudad ngadto sa Kapitolyo sa paghupot ug katungod niini sa zoo, kondisyon nga gitakda sa Probinsya.

Laing transaksyon nga nagkinahanglan og kooperasyon sa Siyudad mao ang pagkahinayon sa niungot nga Ciudad project sa Barangay Banilad.

Ning pagpuli sa laing administrasyon sa City Hall, si Garcia naglaum nga ang proyekto buhion pagbalik.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!