SECTIONS
Wednesday, June 26, 2019
SUPERBALITA CAGAYAN DE ORO

Pagtudlo og bag-ong hepe sa kapulisan sa Cagayan de Oro gihingusgan

BUOT sa tsirman sa komitiba sa Police, Fire and Public Safety nga magtudlo na og bag-ong city director sa Cagayan de Oro City Police Office (Cocpo) human nga nagpabilin pa sa Intensive Care Unit (ICU) si Police Colonel Nelson Aganon tungod sa aksidente.

Nasayran nga anaa sa balantayunon nga kahimtang si Aganon human naaksidente sa motorcycle riding course (MCRC) niadtong Mayo 22 alas 3:30 sa hapon sa parade ground sa Camp Evangelista, Barangay Patay, Siyudad sa Cagayan de Oro.

Sa pakighinabi sa SunStar Superbalita kang Kagawad Romeo Calizo gibutyag niini nga kinahanglan nga magtudlo na og bag-ong city director ilabi na nga dili maayo nga kung makarekober na si Aganon ibalik dayon kini sa pwesto ug kinahanglan pa nga mahingpit ang kaayuhan niini ug dili usab pweding mabutang sa alanganin ang kalinaw sa siyudad.

"Dili man nato e prematurely ibalik even after recovery, ipa-rest sa malooy pud ta, una iyang medical status kay ulo biya and we cannot put at stake ang dakbayan," matud ni Calizo.

Giingong dili usab paigo ang pagbutang lang og officer in charge (OIC) tungod na sa mga limitasiyon.

"Dili enough kay naa may limitations like sa operational decision making," dugang niini.

Nagpasalamat usab kini ngadto sa maayong pagserbisyo ni Aganon sa siyudad apan dili usab buot niini nga mapasagdan ang kahusay ug kalinaw sa siyudad.

Buot lamang ni Calizo nga mosunod diha sa proseso ug magpadala na og listahan ang tinugyanan sa Police Regional Office (PRO)-Northern Mindanao alang sa mga mamahimong posibleng mohulip ug pilian kini diin tulo ang pilian nga angayan ug si Mayor Oscar Moreno na ang magpili.

Sa kasamtangan si Police Colonel Reynante Reyes ang OIC sa Cocpo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph